Ўзбекистон Республикаси Миллий гвардияси сафларидаги ҳарбий хизматчиларнинг профессионал маҳоратини ошириш ҳамда жанговар шайлигини юксалтиришга қаратилган тизимли тадбирларнинг навбатдагиси Қашқадарё вилоятида бўлиб ўтди.

Қашқадарё вилоятидаги Миллий гвардия ҳудудий бўлинмаси ҳамкор вазирликлар билан келишилган режага асосан ўқув тактик машғулоти ўтказиб, унда ноқонуний равишда давлат чегарасини кесиб ўтган жиноятчиларни қўлга олиш ҳамда улар томонидан гаровга олинганларни озод этишда ҳудудий чегара қўшинлари ва ИИБ бўлинмалари билан биргаликдаги ҳаракатлари машқ қилинди.

Ҳамкор тузилмаларнинг биргаликда ўтказган ўқув машғулотида кўзланган мақсадга эришилиб келгусидаги амалий ҳаракатлар бўйича вазифалар белгилаб олинди.