Yoshlarni harbiy vatanparvarlik ruxida tarbiyalashga qaratilgan tadbirlar Umumiy o‘rta taʼlim maktab o‘quvchilari ishtirokida davom ettirilmoqda
Toshkent shaxridagi 22-sonli “Mehribonlik” uyi tarbiyalanuvchilari tahsil oladigan Chilonzor tumanida joylashgan 128 va 79-sonli o‘rta taʼlim maktabida “Mehribonlik” uyi tarbiyalanuvchilari va ularning sinfdoshlari uchun Vatanparvarlik tadbiri tashkillashtirildi. Ushbu tadbirga jami 200 nafardan ortiq bolajonlar jalb qilindi.
Tadbirga namunali orkestrning musiqali chiqishlari ko‘tarinki ruh berdi. Shuningdek, ishtirokchilar eʼtiboriga muddatli harbiy xizmatchilarning qo‘l jangi bo‘yicha ko‘rgazmali chiqishlari, faxriy qorovul bo‘linmasining saf chiqishlari va Milliy gvardiya Toshkent shahar boshqarmasidan xizmat it va otlari ishtirokidagi ko‘rgazmali chiqishlar namoyish etildi hamda, moto va avtotexnikalarining ko‘rgazmasi bo‘lib o‘tdi.
Yoshlarni vatanparvarlik ruhida tarbiyalash, harbiylikka qiziqishlarini oshirish hamda “Mehribonlik” uyi tarbiyalanuvchilari va ularning sinfdoshlari o‘rtasidagi do‘stlik rishtalarini yana-da mustahkamlash maqsadida o‘tkazilgan ushbu tadbir ishtirokchilarda iliq taassurotlar qoldirdi.
