“8 mart – Xalqaro xotin-qizlar kuni” bayrami munosabati bilan Samarqand viloyatida “Dinamo” jismoniy tarbiya sport jamiyati tomonidan huquqni muhofaza qiluvchi organlarida xizmat qilayotgan ayol xodimalar o‘rtasida sportning “Ko‘pkurash” turi bo‘yicha “Dinamo” ko‘chma kubogi birinchiligi musobaqasi tashkil etildi.

Unda viloyat jismoniy tarbiya va sport boshqarmasi, “Dinamo” JTSJ kengashi, Milliy gvardiya va Ichki ishlar boshqarmalari mutasaddi rahbarlari ishtirok etdib, musobaqa avvalida barcha ishtirokchilarni bayram bilan muborakbod etgan holda ularga omad va zafarlar tiladilar.

Musobaqaning kirish qismida Milliy gvardiya ayol harbiy xizmatchilari tomonidan tayyorlangan ko‘rgazmali chiqishlar namoyish etildi.

Bellashuvda Milliy gvardiya, Bojxona xizmati, Davlat xavfsizligi xizmati va Ichki ishlar boshqarmalarning xotin qizlaridan iborat jami 8 ta jamoa musobaqa shartidagi PM to‘pponchasidan o‘q otish, 1000 metrga yugurish, stol tennisi hamda badmenton turlari bo‘yicha “Dinamo” ko‘chma kubogi birinchiligi uchun o‘zaro kuch sinashishdi.

Musobaqa natijalariga ko‘ra umumjamoa hisobida 3 - o‘rin Ichki ishlar boshqarmasiga 2 - o‘rin Davlat xavfsizligi xizmati boshqarmasi va 1 - o‘rin va “Dinamo” ko‘chma kubogi Milliy gvardiya boshqarmasi ayol harbiy xizmatchilariga nasib etdi.

Shuningdek, musobaqa g‘oliblari hamda faol ishtirokchilar diplom va qimmatbaho sovg‘alar bilan taqdirlandilar.