Buyuk ajdodlarimiz Alisher Navoiy tavalludining 583 yilligi va Zahiriddin Muhammad Bobur tavalludining 541 yilligiga bag‘ishlab “Badiiy kecha” o‘tkazildi
Mazkur tadbirda Toshkent “Temurbeklar maktabi” professor-o‘qituvchilari tomonidan berilgan ma’lumotlar ishtirokchilarda katta taassurot qoldirdi. Shuningdek Toshkent “Temurbeklar maktabi” o‘quvchilar o‘zlarining sahna ko’rinishlari bilan ishtirok etdi.
Badiiy kechada atoqli davlat arboblari adabiyot chamaning ulug‘ siymosi Alisher Navoiy va shoir, tarixchi iste’dodli sarkarda bo‘lgan Zahiriddin Muhammad Boburning bebaho ijodiy-ilmiy meroslari nafaqat xalqimiz, balki jahon adabiyoti tarixida, milliy madaniyatimiz va adabiy-estetik tafakkurimiz rivojida alohida o‘rin tutishi to‘g‘risida so‘z yuritiladi.
Tadbir yakunida harbiy xizmatchilar va o‘quvchi yoshlar o‘rtasida g‘azalxonlik bellashuvi o‘tkazildi. G‘oliblarga Alisher Navoiy hamda Zahiriddin Muhammad Bobur hayoti va ijodiga bag‘ishlangan kitoblar sovg‘a qilindi.
