SPORTNING REGBI TURI BO‘YICHA XALQARO O‘RTOQLIK UCHRASHUVLARI YAKUNLANDI
O‘zbekiston Respublikasi va Janubiy Koreya Respublikasi o‘rtasida o‘zaro diplomatik munosabatlar o‘rnatilganining 30 yilligi munosabati bilan poytaxtimizdagi Toshkent davlat transport universiteti stadionida joriy yilning 19, 22, 25 oktyabr kunlari O‘zbekiston Respublikasi Qurolli kuchlari terma jamoalari va Koreya Respublikasi o‘rtasida Regbi – 15 o‘rtoqlik uchrashuvlari bo‘lib o‘tdi. Unda Koreya terma jamoasi regbi bo‘yicha O‘zbekiston Respublikasi Mudofaa vazirligi, Milliy gvardiya, va Ichki ishlar vazirliklari terma jamoalari bilan o‘rtoqlik uchrashuvlarini o‘tkazdi. Mazkur uchrashuvlar Qurolli kuchlarimizning kuch tuzilmalari harbiy xizmatchilari uchun xalqaro darajadagi tajriba almashish turniri sifatida alohida ahamiyat kasb etdi.
Yakunda Janubiy Koreya Respublikasi harbiylaridan iborat jamoa birinchi o‘rinni, Mudofaa vazirligi va Milliy gvardiya terma jamoalari ikkinchi hamda uchinchi o‘rinlarni qo‘lga kiritishdi.
