Farg‘ona Mintaqaviy o‘quv markazida navbatdagi 40 nafar bitiruvchilarga sertifikatlar topshirish marosimi bo‘lib o‘tdi
O‘quv yig‘ini davomida dasturda belgilangan mashg‘ulotlardan tashqari, malakali mutaxassislar ishtirokida amaliy seminar va treninglar, fakultativ mashg‘ulotlar hamda bir qator madaniy-maʼrifiy tadbirlar o‘tkazildi.
Joriy yilning 28 yanvar kuni o‘quv yig‘inini muvaffaqiyatli tamomlagan jami 40 nafar tinglovchilarga tantanali ravishda sertifikatlar topshirish marosimi bo‘lib o‘tdi. Tadbirni Milliy gvardiya Farg‘ona mintaqaviy o‘quv markazi boshlig‘i kirish so‘zi bilan ochib, tinglovchilarni tantanali sertifikatlar olganliklari va o‘quv yig‘inini muvaffaqiyatli yakunlaganliklari bilan tabrikladi va ularga sihat-salomatlik, tinchlik-omonlik, xalqimiz osoyishtaligi yo‘lida olib borayotgan sharafli ishlarida ulkan zafarlar tiladi. Shuningdek, o‘quv yig‘ini davomida o‘zining namunali xulqi, tartib intizomi bilan safdoshlariga o‘rnak bo‘lgan, aʼlo baholarga o‘qigan, sport musobaqasida yaxshi natijaga erishgan bir guruh tinglovchilarga Faxriy yorliqlar topshirildi.
