Milliy gvardiya tizimidagi harbiy qismlarda muddatli harbiy xizmatni o‘tab bo‘lgan askarlarning kuzatuv marosimlari bo‘lib o‘tdi
Milliy gvardiya harbiy qismlarida muddatli harbiy xizmatni o‘tab bo‘lgan askarlarning kuzatuviga bag‘ishlangan tanatanali tadbirlarda Milliy gvardiya qo‘mondonligi, harbiy qism komandirlari, hududiy hokimlik va sektor rahbarlari, shuningdek faxriylar va jamoatchilik vakillari ishtirok ettilar.
Tizimda xizmat qilgan muddatli harbiy xizmatchilar bir yil davomida tajribali ofitser va serjantlardan harbiy hayot sirlarini o‘rganib, bilim va ko‘nikmalarini mustaxkamladilar. Biriktirilgan hududlarda jamoat tartibini saqlashda munosib xissalarini qo‘shdilar. Xizmat mobaynida o‘zlarining namunali xizmati bilan safdoshlariga har tomonlama o‘rnak bo‘la olgan bir qator askarlarga tavsiyanoma va qimmatbaho sovg‘alar topshirildi.
Barcha askarlarga, xizmat davomida egallagan bilim va ko‘nikmalarini kelgusida Vatanimiz ravnaqi yo‘lida safarbar qilishlariga ishonch bildirildi.
