Миллий гвардия тизимидаги ҳарбий қисмларда муддатли ҳарбий хизматни ўтаб бўлган аскарларнинг кузатув маросимлари бўлиб ўтди
Миллий гвардия ҳарбий қисмларида муддатли ҳарбий хизматни ўтаб бўлган аскарларнинг кузатувига бағишланган танатанали тадбирларда Миллий гвардия қўмондонлиги, ҳарбий қисм командирлари, ҳудудий ҳокимлик ва сектор раҳбарлари, шунингдек фахрийлар ва жамоатчилик вакиллари иштирок эттилар.
Тизимда хизмат қилган муддатли ҳарбий хизматчилар бир йил давомида тажрибали офицер ва сержантлардан ҳарбий ҳаёт сирларини ўрганиб, билим ва кўникмаларини мустахкамладилар. Бириктирилган ҳудудларда жамоат тартибини сақлашда муносиб хиссаларини қўшдилар. Хизмат мобайнида ўзларининг намунали хизмати билан сафдошларига ҳар томонлама ўрнак бўла олган бир қатор аскарларга тавсиянома ва қимматбаҳо совғалар топширилди.
Барча аскарларга, хизмат давомида эгаллаган билим ва кўникмаларини келгусида Ватанимиз равнақи йўлида сафарбар қилишларига ишонч билдирилди.
