“Xalqimizning hayotbaxsh sarchashmalari” shiori ostida nomoddiy va madaniy meʼrosimiz bo‘lgan Baxshichilik sanʼati yo‘nalishida, Milliy gvardiya tizimidagi iqtidorli harbiy xizmatchi va xodimlar ijrosidagi tanlov bo‘lib o‘tdi
Yurtimizda yosh ijodkorlarni har tomonlama qo‘llab-quvvatlash, ularni sanʼat, ijodga qiziqishlarini rag‘batlantirish maqsadida qator tanlovlar o‘tkazilib kelinmoqda. Xususan, 14 yanvar – Vatan himoyachilari kuni munosabti bilan vatanparvarlik oyligi doirasida, “Xalqimizning hayotbaxsh sarchashmalari” shiori ostida Milliy gvardiya bo‘linmalarida xizmat qilayotgan iqtidorli harbiy xizmatchi va xodimlar ijrosida milliy mumtoz navo va kuylarga yo‘g‘irilgan konsert-dasturi tashkillashtirildi. Tadbirda o‘tkazilgan turli tanlovlarda g‘olib va sovrindor bo‘lgan isteʼdod egalari o‘zlarining ijod namunalari bilan yig‘ilganlar qalbiga yo‘l topa olishdi.
Mazkur kechaga adabiyot va sanʼat vakillari ham tashrif buyurishib, yosh ijodkorlarning jonli ijroda mohirona kuylashlariga yuqori baho berishdi. Tadbir so‘ngida faol ishtirokchilar tashkilotchilar tomonidan munosib rag‘batlantirildi.
