“Халқимизнинг ҳаётбахш сарчашмалари” шиори остида номоддий ва маданий меъросимиз бўлган Бахшичилик санъати йўналишида, Миллий гвардия тизимидаги иқтидорли ҳарбий хизматчи ва ходимлар ижросидаги танлов бўлиб ўтди
Юртимизда ёш ижодкорларни ҳар томонлама қўллаб-қувватлаш, уларни санъат, ижодга қизиқишларини рағбатлантириш мақсадида қатор танловлар ўтказилиб келинмоқда. Хусусан, 14 январ – Ватан ҳимоячилари куни муносабти билан ватанпарварлик ойлиги доирасида, “Халқимизнинг ҳаётбахш сарчашмалари” шиори остида Миллий гвардия бўлинмаларида хизмат қилаётган иқтидорли ҳарбий хизматчи ва ходимлар ижросида миллий мумтоз наво ва куйларга йўғирилган концерт-дастури ташкиллаштирилди. Тадбирда ўтказилган турли танловларда ғолиб ва совриндор бўлган истеъдод эгалари ўзларининг ижод намуналари билан йиғилганлар қалбига йўл топа олишди.
Мазкур кечага адабиёт ва санъат вакиллари ҳам ташриф буюришиб, ёш ижодкорларнинг жонли ижрода моҳирона куйлашларига юқори баҳо беришди. Тадбир сўнгида фаол иштирокчилар ташкилотчилар томонидан муносиб рағбатлантирилди.
