Milliy gvardiya Ixtisoslashtirilgan o‘quv markazida navbatdagi tinglovchilar uchun sertifikat topshirish marosimi bo‘lib o‘tdi.
Ushbu o‘quv kursi davomida tinglovchilarga markazning yuqori malakali o‘qituvchilari tomonidan harbiy xizmatga oid bir qator muhim yo‘nalishlarda chuqurlashtirilgan nazariy va amaliy bilimlar berildi. Xususan, o‘q otish, balandlikni ishg‘ol qilish, jismoniy va ruhiy tayyorgarlik, aloqa, razvedka, maxsus taktik tayyorgarlik, moddiy-texnik ta’minot, muhandislik va taktik tibbiy tayyorgarlik, shuningdek, uchuvchisiz uchadigan apparatlar bilan ishlash kabi fanlar bo‘yicha mashg‘ulotlar olib borildi.
Mashg‘ulotlar zamonaviy texnik vositalar va ilg‘or metodikalardan foydalangan holda, real xizmat sharoitlariga yaqinlashtirilgan tarzda tashkil etildi. Bu esa tinglovchilarga o‘z mutaxassisliklari bo‘yicha zarur nazariy bilimlarni chuqur o‘zlashtirish va amaliy ko‘nikmalarni mustahkamlash imkonini berdi.
Bitiruvchilar ushbu o‘quv kursi orqali xizmat faoliyatida uchraydigan murakkab vaziyatlarda to‘g‘ri va tezkor qarorlar qabul qilish, jamoada ishlash, mustaqil fikrlash hamda yuqori darajadagi professional tayyorgarlik darajasini namoyon eta olish kabi muhim jihatlar bo‘yicha tayyor bo‘ldilar.
Tadbir yakunida o‘quv markazini muvaffaqiyatli tamomlagan tinglovchilarga sertifikatlar tantanali ravishda topshirildi.
