Mamlakatimiz taraqqiyoti har tomonlama unib-o‘sib kelayotgan yosh avlodning taʼlim tarbiyasi, maʼnaviyati va madaniyati bilan chambarchas bog‘liqdir. Yurtimizda yoshlarga qaratilayotgan eʼtibor mamlakatimizda olib borilayotgan siyosatning eng ustuvor yo‘nalishlaridan biridir. Aynan shu sababdan so‘nggi yillarda vatanimiz kelajagi bo‘lgan yoshlar masalasiga alohida eʼtibor qaratib kelinmoqda.

Bu borada davlatimiz Rahbarining joriy yil 11 martdagi “Yilqichilik va ot sportini yana-da rivojlantirish hamda zamonaviy beshkurash va polo sport turini ommalashtirish bo‘yicha qo‘shimcha chora-tadbirlar to‘g‘risida”gi Qarori ham mazkur yo‘nalishdagi ishlarning uzviy davomidir.

Ushbu qaror ijrosi doirasida O‘zbekiston Respublikasi Milliy gvardiyasi Qashqadaryo viloyati bo‘yicha boshqarmasi tomonidan harbiy xizmatchi va xodimlarning oila aʼzolari va farzandlarining ot sportiga bo‘lgan qiziqishlarini oshirish maqsadida, o‘quv amaliy mashg‘ulot o‘tkazildi.

Bunda yoshlarga otga minish va otda harakatlanish to‘g‘risida tushunchalar hamda ot sporti bo‘yicha atroflicha maʼlumotlar berildi. Shuningdek, yoshlarning yozgi taʼtil vaqtlarini mazmunli o‘tkazish yuzasidan harbiy qismda ot sporti to‘garagini tashkil etish bo‘yichaaniq chora-tadbirlar belgilab olindi.

Ana shu g‘oya asosida yoshlarni sportga bo‘lgan qiziqishini oshirish yo‘lida amalga oshirilayotgan bu kabi ishlar, ularning kelgusida ruhan sog‘lom va barkamol farzand bo‘lib yetishishga xizmat qilishi shubhasizdir