Milliy gvardiya Jamoat xavfsizligi universiteti Kinologiya markazining xizmat itlari MDH davlatlari chempioni nominatsiyasini qoʻlga kiritdi
Joriy yilning 5-6 oktabr kunlari "Barcha zotdagi itlar xalqaro sertifikat koʻrgazmasi" hamda "Oʻzbekiston kubogiʼʼ musobaqasi boʻlib oʻtdi. Unda barcha kuch tuzilmalari kinologiya markazlari va havaskor kinologlar ishtirok etdi.
Milliy gvardiya nomidan Jamoat xavfsizligi universiteti kinologiya markazi harbiy xizmatchilari va xizmat itlari ishtirok etib, musobaqada “Karrado” laqabli xizmat iti nemis ovcharkasi zoti boʻyicha 1-oʻrinni qoʻlga kiritdi.
Shuningdek, “Lara” laqabli xizmat iti ovcharka zoti boʻyicha oʻspirin itlar oʻrtasida faxrli 1-oʻrinni shuningdek, musobaqada ishtirok etayotgan barcha yosh itlar oʻrtasida MDH davlatlari chempioni nominatsiyasini qoʻlga kiritdi.
