Qoraqalpog‘iston Respublikasida vaziyat barqarorlashdi // Favqulodda holat davrida soat 21:00 dan 07:00 gacha komendantlik soati amal qiladi / / O‘zbekiston Respublikasi Milliy gvardiyasi qo‘mondoni general-mayor Rustam Djurayev komendantura boshlig‘i etib tayinlandi. Prezident farmoni bilan fuqarolar xavfsizligini taʼminlash, ularning huquq va erkinliklarini himoya qilish, huquq-tartibotni tiklash maqsadida Qoraqalpog‘iston Respublikasi hududida soat 00 dan boshlab favqulodda holat tartibi joriy etildi: 2022-yil 3-iyul soat 00- 01 dan 2022-yil 2-avgust soat 00:00 gacha // Qoraqalpog‘istonga kirish va chiqish cheklangan, ommaviy tadbirlar taqiqlanadi. // O‘zbekiston Respublikasi Jamoat xavfsizligi universitetini tamomlagan magistrlarni bitirishga bag‘ishlangan tantanali marosim bo‘lib o‘tdi. // O‘zbekiston Respublikasi Milliy gvardiyasi delegatsiyasining Turkiya Respublikasiga rasmiy tashrifi doirasida, Turkiya jandarmeriyasi bilan ikki tomonlama hamkorlikni yana-da rivojlantirish istiqbollari va tajriba almashish yuzasidan kelishuvlarga erishildi // O‘zbekiston Respublikasi Milliy gvardiyasi qoshidagi “Temurbeklar maktabi” harbiy akademik litseyi va Harbiy musiqa akademik litseyi o‘quvchilariga diplom topshirish marosimi bo‘lib o‘tdi. / / O‘zbekiston Respublikasi Prezidenti "Qo‘l jangi sport turini yana-da rivojlantirish chora-tadbirlari to‘g‘risida "gi qarorni imzoladi  / / Milliy gvardiyaning 1215 qisqa raqamli telefon tarmog‘i faoliyati yo‘lga qo‘yildi / / “Qo‘riqlash faoliyati to‘g‘risida”gi Qonun Prezident tomonidan imzolandi / / Milliy gvardiya Jamoat xavfsizligi universiteti bitiruvchilari yosh ofitserlariga tantanali ravishda diplomlar topshirildi // O‘zbekiston Respublikasi Milliy gvardiyasi va Buyuk Britaniya Qirollik polki harbiy orkestrlarining ijodiy uchrashuvi bo‘lib o‘tdi / / Sirdaryo viloyatida, Milliy gvardiyaning dala o‘quv bazasida tashkil etilgan harbiylashtirilgan yozgi oromgohga navbatdagi yoshlar guruhi qabul qilindi. / / Toshkent viloyati va shahrida favqulodda vaziyatlarni oldini olish va bartaraf etishda hamkor vazirliklarning birgalikdagi harakatlari yuzasidan o‘quv mashg‘ulotlari davom etmoqda / / Jamoat xavfsizligi universitetining bitiruv bosqich kursantlari yakuniy davlat attestatsiyasini muvaffaqiyatli yakunladilar / /  Milliy gvardiya mintaqaviy o‘quv markazlarida "Harbiy vatanparvarlik" oromgohlari faoliyati yo‘lga qo‘yilgan bo‘lib, ularda mahalliy yoshlar ham hordiq chiqarishi mumkin / / Milliy gvardiyaning bir qator faxriylari faxriylar harakatini rivojlantirishdagi xizmatlari uchun ilk bor “Milliy gvardiya fahriysi” ko‘krak nishoni bilan taqdirlandi

Oʻzbekiston Respublikasi Milliy gvardiyasi bayrogʻi 
(Oʻzbekiston Respublikasi Prezidentining 2018-yil 19-iyuldagi Farmoniga muvofiq tasdiqlangan)

 

O‘zbekiston Respublikasi Milliy gvardiyasi bayrog‘i (keyingi o‘rinlarda – bayroq deb ataladi) O‘zbekiston Respublikasi Milliy gvardiyasiga xos bo‘lgan xususiyatlarini ifodalovchi idoraviy rasmiy ramz hisoblanib, butun uzunligi bo‘ylab bayroqni teng ikkiga ajralgan – to‘q qizil va oq rangli bo‘laklardan tarkib topgan, to‘g‘ri to‘rtburchak shaklidagi matodir. To‘q qizil rang – kuch va mardlikni, oq rang – oqilonalik, olijanoblik, poklik, oshkoralik, samimiylik, ishonch va haqqoniylikni ifodalaydi. To‘q qizil va oq ranglar gammasi millat farovonligi uchun xizmatni anglatadi.

Bayroqning old va orqa tomoni o‘rtasida O‘zbekiston Respublikasi Milliy gvardiyasining rasmiy emblemasi (timsoli) tasvirlangan. Bayroq tepasida «O‘ZBEKISTON RESPUBLIKASI», pastida «MILLIY GVARDIYASI» degan so‘zlar gorizontal shaklda bitilgan. So‘zlardagi yozuv harflarning bo‘yi – 6,5 santimetrni, eni – 4,5 santimetrni, harflar orasidagi masofa 1,5 santimetrni tashkil etadi. Bayroqdagi harflar – chetdan markazga qarab joylashgan, to‘q qizil fondagi bo‘lakda oq rangda va oq fondagi bo‘lakda to‘q qizil rangda yozilgan.

Bayroqning uzunligi – 250 santimetrga, kengligi – 125 santimetrga teng. Bayroq har bir bo‘lagi –125 santimetrga tengdir. Bayroq boshqa hajmda ham bo‘lishi mumkin, bunda bayroq uzunligi va kengligi ikkidan  – bir uzunlikka muvofiq, bayroq ichidagi timsol uchdan – bir uzunlikka muvofiq bo‘lishi lozim.

Oʻzbekiston Respublikasi Milliy gvardiyasi  emblemasi
(Oʻzbekiston Respublikasi Prezidentining 2018-yil 19-iyuldagi Farmoniga muvofiq tasdiqlangan)

O‘zbekiston Respublikasi Milliy gvardiyasi emblemasi (keyingi o‘rinlarda – emblema) butun aylana bo‘ylab o‘tgan doirani teng ikkiga bo‘luvchi, to‘q qizil va oq rangli bo‘laklardan iborat doira bo‘lib, doira chekkasi to‘q qizil rangli chiziqli aylana bilan o‘ralgan.

Emblema doirasini o‘rab turgan aylana chiziqlar tepasiga – lotin alifbosida tillarang katta harflar bilan «O‘ZBEKISTON RESPUBLIKASI», pastida – «MILLIY GVARDIYASI» degan so‘zlar o‘tgan. Yozuvlarni aylananing har ikki tomondan mamlakatimizda tinchlik va osoyishtalikni saqlash kabi O‘zbekiston Respublikasi Milliy gvardiyasining vazifalarini tasvirlovchi oliviya o‘simligi shohlari ajratib turibdi.

Doiraning tepasida tillarang katta harflar bilan lotin alifbosidagi «MILLAT MANFAATLARI HIMOYASIDA» nomli shior bitilgan.

Doiraning markazida kuch-qudrat, mardlik va adolatlilik ramzi hisoblangan – sher hayvonining surati, sher belida yorug‘lik, donishmandlik va mustahkamlikni, davlatni turli tahdid va xavflardan himoya qilishni ifodalovchi – quyoshni ko‘tarib turibdi.  

Sher suratining tepasida O‘zbekiston Respublikasi Milliy gvardiyasi qo‘riqlaydigan davlat va millat manfaatlarini ifodalovchi O‘zbekiston Respublikasi davlat bayrog‘ining hilpirab turgan surati tushirilgan.

O‘zbekiston Respublikasi Milliy gvardiyasi emblemasi ko‘prangli va birrangli nusxada foydalanilishi mumkin.

O‘zbekiston Respublikasining Davlat bayrog‘ining hilpiragan foni ostida, belidan quyoshni ko‘tarib turgan sher suratidan (kichik emblema) sifatida mustaqil ravishda foydalanishga ruxsat etiladi.

Belgilangan matnni tinglash uchun quyidagi tugmani bosing Powered by GSpeech