Navro‘z umumxalq bayrami munosabati bilan Milliy gvardiyaning Qoraqalpog‘iston Respublikasi bo‘yicha boshqarmasi boshlig‘i polkovnik M.Yusupov “Qoraqalpog‘iston Respublikasida xizmat ko‘rsatgan yoshlar murabbiysi” faxriy unvoni bilan taqdirlandi
O‘lkamizda keng nishonlanayotgan Navro‘z umumxalq bayrami munosabati bilan Qoraqalpog‘iston Respublikasi Jo‘qorg‘i Kengesi Prezidiumining qaroriga muvofiq, yurtimiz mustaqilligini mustahkamlash va uning iqtisodiy salohiyatini orttirishdagi sohalarda olib borilayotgan islohotlarni muvaffaqiyatli amalga oshirishdagi samarali xizmatlari, yurtimizni har tomonlama rivojlantirish va halqimizning faravon turmushini taʼminlash yo‘lidagi fidokorona mehnatlari, jamiyatimizda millatlararo do‘stlik va totuvlikni mustaxkamlash, yosh avlodni vatanparvarlik va istiqlol g‘oyalariga sadoqat ruhida tarbiyalash hamda ijtimoiy-siyosiy hayotdagi faolligi uchun Milliy gvardiyaning Qoraqalpog‘iston Respublikasi bo‘yicha boshqarmasi boshlig‘i polkovnik Yusupov Muxtar Bekchanovich “Qoraqalpog‘iston Respublikasida xizmat ko‘rsatgan yoshlar murabbiysi” faxriy unvoni bilan taqdirlandi.
Milliy gvardiya qo‘mondonligi va butun shaxsiy tarkibi nomidan polkovnik Yusupov Muxtar Bekchanovichni ushbu yuksak unvon bilan samimiy muborakbod etamiz.
