JAJJI BOLAJONLAR QALBIDA BUYUK AJDODLARIMIZ SIYMOSI
Joriy yilning 9 aprel kuni Sergeli tumanidagi 599-maktabgacha taʼlim muassasasi va 300-umumtaʼlim maktabida Milliy gvardiya MTT markaziy bazasi mutasaddi rahbarlari hamda hamkor tashkilotlar tashabbusi bilan Buyuk sarkarda Amir Temur tavalludining 685 yilligiga bagʻishlangan “Zakovat” intelektual bellashuv oʻtkazildi.
Tadbir davomida “Vatanparvar klubi” aʼzolari tomonidan tayyorlangan harbiy-musiqiy dasturlar, sherxonlik soati, iqtidorli oʻquvchilarning oʻz qoʻllari bilan tayyorlagan ixtirolari, chizgan suratlarining koʻrgazmali namoyishi boʻlib oʻtdi.
Bellashuvda ishtirok etgan “Yosh qutqaruvchilar", “Yosh chegarachilar” hamda “Gulgʻunchalar”, “Matonat” jamoalari oʻzlarining zukkoligi, aql zakovatini namoyon qilgan holda xar bir shartni tezkorlik bilan bajardilar va gʻoliblikni qoʻlga kiritdilar.
