O‘zbekiston Respublikasi Jamoat xavfsizligi universitetiga kursantlarni o‘qishga qabul qilish tartibi

O‘zbekiston Respublikasi Prezidentining 2021 yil 15 apreldagi “Jamoat xavfsizligini ta’minlash sohasida professional kadrlarni tayyorlash tizimini yanada takomillashtirish chora-tadbirlari to‘g‘risida”gi qaroriga muvofiq Milliy gvardiya Harbiy-texnik instituti O‘zbekiston Respublikasi Jamoat xavfsizligi universiteti etib qayta tashkil etildi. Shu munosabat bilan Universitetda bir qator bakalavriat yo‘nalishlari va magistratura mutaxassisliklari bo‘yicha o‘qitish joriy qilindi.

O‘zbekiston Respublikasi Vazirlar Mahkamasining “O‘zbekiston Respublikasi Jamoat xavfsizligi universitetiga nomzodlarni saralab olish va o‘qishga qabul qilish tartibi to‘g‘risidagi nizomni tasdiqlash haqida”gi qaroriga muvofiq O‘zbekiston Respublikasi Jamoat xavfsizligi universitetining bakalavriati kunduzgi va sirtqi ta’lim shakllariga hamda magistratura mutaxassisliklarining kunduzgi ta’lim shakliga nomzodlarni saralab olish va o‘qishga qabul qilish amalga oshiriladi.

Oldin ham rasmiy saytlarimizda e’lon qilganimizdek, Nizomga muvofiq qabul komissiyasi o‘z faoliyatini 1 fevraldan ya’ni ertadan boshlaydi.

Ushbu kundan, jamlovchi idoralar tomonidan Universitetning kunduzgi bakalavriat yo‘nalishiga o‘qishga kirish istagini bildirgan nomzodlardan arizalar (bildirgilar) qabul qilinishi boshlanadi va jarayon joriy yilning 20 mart kuniga qadar (shu kuni ham) davom etadi.

Universitetga Bakalavriatning kunduzgi ta’lim shaklining kursantlar safiga o‘qishga kirish istagini bildirgan fuqarolar ta’lim yo‘nalishlaridan kelib chiqqan holda o‘zlarining yashash joyidagi mudofaa ishlari bo‘yicha bo‘limlar orqali:

“Maxsus vazifalarni bajarish qo‘shinlarining qo‘mondonlik-taktik faoliyati”;

“Xizmat faoliyatini tarbiyaviy-psixologik ta’minlash”;

“Xavfsizlikni huquqiy ta’minlash”;

“Xalqaro harbiy hamkorlikni huquqiy ta’minlash”;

“Iqtisodiy xavfsizlik”

“Aniqlash va qo‘riqlash tizimlardan foydalanish bo‘yicha qo‘mondonlik-muhandislik faoliyati”;

“Qo‘riqlash bo‘linmalarining qo‘mondonlik-taktik faoliyati” ta’lim yo‘nalishlariga.

Yoki

Ichki ishlar vazirligi hududiy bo‘linmalari orqali:

“Yo‘l-patrul xizmatining qo‘mondonlik-taktik faoliyati”;

“Patrul-post xizmatining qo‘mondonlik-taktik faoliyati”;

“Pasport tizimini huquqiy ta’minlash” ta’lim yo‘nalishlariga

ariza bilan, harbiy xizmatchilar (xodimlar) o‘zlari xizmat o‘tayotgan harbiy qismga (muassasaga) bildirgi bilan murojaat qiladilar.

“Xalqaro harbiy hamkorlikni huquqiy ta’minlash” ta’lim yo‘nalishiga o‘qishga kirishni xohlagan nomzodlar chet tilini bilish darajasi haqidagi xalqaro tan olingan dasturlar yoki davlat namunasidagi V2 va undan yuqori darajadagi malaka sertifikatiga ega bo‘lganda Universitetga o‘qishga kirish bo‘yicha tanlovda ishtirok etadilar.

Nomzodlar bilan 1 fevraldan 31 martga qadar dastlabki saralab olish tadbirlari tashkil etiladi.

Dastlabki saralab olishdan muvaffaqiyatli o‘tgan nomzodlar Vazirlar Mahkamasi huzuridagi Davlat test markazi tomonidan o‘tkaziladigan test sinovlariga qo‘yiladi. Test sinovlari natijalariga ko‘ra yuqori ball to‘plagan nomzodlar Universitet qabul komissiyasining qaroriga asosan o‘qishga qabul qilinadi.

Universitetni kursantlar bakalavriat ta’lim yo‘nalishlari nomi, kvalifikatsiyasi,o‘qish muddatlari, test sinovlarining

FANLAR MAJMUASI

T/r	Yo‘nalishlar	Kvalifikatsiya	O‘qish muddati	Ta’lim olish shakli	Test topshiriladigan fanlar
* Mudofaa ishlari bo‘yicha bo‘limalarida
1.	Maxsus vazifalarni bajarish qo‘shinlarining qo‘mondonlik-taktik faoliyati*	Soxalar bo‘yicha menejer	4	Kunduzgi	Matematika
					Chet tili
2.	Xizmat faoliyatini tarbiyaviy-psixologik ta’minlash* (*qiz bolalar*)	Psixolog	4	Kunduzgi	Biologiya
					Ona tili va adabiyot
3.	Xavfsizlikni huquqiy ta’minlash* (*qiz bolalar*)	Yurist	4	Kunduzgi	Huquqshunoslik
					Chet tili
4	Xalqaro harbiy hamkorlikni huquqiy ta’minlash* (B2 sertifikat )	Yurist	4	Kunduzgi	Huquqshunoslik
					Chet tili
5	Iqtisodiy xavfsizlik* (*qiz bolalar*)	Iqtisodchi	4	Kunduzgi	Matematika
					Chet tili
6	Aniqlash va qo‘riqlash tizimlardan foydalanish bo‘yicha qo‘mondonlik-muhandislik faoliyati* (*qiz bolalar*)	Muhandis-texnik	4	Kunduzgi	Matematika
					Fizika
7	Qo‘riqlash bo‘linmalarining qo‘mondonlik-taktik faoliyati*	Yurist	3	Kunduzgi	Huquqshunoslik
					Chet tili
**Ichki ishlar vazirligi hududiy bo‘linmalarida rasmiylashtiriladi
8	Yo‘l-patrul xizmatining qo‘mondonlik-taktik faoliyati (qiz bolalar**)	Yurist	3	Kunduzgi	Huquqshunoslik
					Chet tili
9	Patrul-post xizmatining qo‘mondonlik-taktik faoliyati (qiz bolalar**)	Yurist	3	Kunduzgi	Huquqshunoslik
					Chet tili
10	Pasport tizimini huquqiy ta’minlash (qiz bolalar**)	Yurist	3	Kunduzgi	Huquqshunoslik
					Chet tili

Izoh: Pasport tizimini huquqiy ta’minlash yo‘nalishiga o‘g‘il bolalar uchun 165 sm, qiz bolalar uchun 160sm dan kam bo‘lmasligi belgilab qo‘yilgan.

Universitetni umumfuqaroviy bakalavriat ta’lim yo‘nalishlarining nomi, kvalifikatsiyasi,o‘qish muddatlari, test sinovlarining

FANLAR MAJMUASI

T/r	Yo‘nalishlar	Kvalifikatsiya	O‘qish muddati	Ta’lim olish shakli	Test topshiriladigan fanlar
1.	Xavfsizlikni huquqiy ta’minlash	Yurist	4	Kunduzgi	Huquqshunoslik
					Chet tili
2.	Xizmat faoliyatini tarbiyaviy-psixologik ta’minlash*	Psixolog	4	Kunduzgi	Biologiya
					Ona tili va adabiyot

Universitetni magistratura kunduzgi ta’lim shakli bo‘yicha 8 ta mutaxassislik mavjudj. Unga ko‘ra, 5 ta mutaxassislik ofitser lavozimlardagi harbiy xizmatchi (xodim)lar uchun, 3 ta mutaxassislik bo‘yicha esa umumfuqaroviy asosda o‘qishga qabul qilinadi.

T/r	Yo‘nalishlar	Kvalifikatsiya	O‘qish muddati	Ta’lim olish shakli	Test topshiriladigan fanlar
Ofitser lavozimlardagi harbiy xizmatchi (xodim)lar uchun
1.	Jamoat xavfsizligini tezkor-taktik ta’minlashning qo‘mondonlik-shtab faoliyati	Soxalar bo‘yicha menejer	1	Kunduzgi	Mutaxassilik fanlari asosida
2.	Tarbiyaviy-psixologik ta’minlashning qo‘mondonlik-shtab faoliyati	Psixolog	1	Kunduzgi	Mutaxassilik fanlari asosida
3.	Qo‘riqlash faoliyatini ta’minlashning qo‘mondonlik-muhandislik faoliyati	Elektrotexnik komplekslar va tizimlar muhandisi	1	Kunduzgi	Mutaxassilik fanlari asosida
4.	Jamoat xavfsizligini huquqiy ta’minlash	Yurist	1	Kunduzgi	Mutaxassilik fanlari asosida
5.	Iqtisodiy xavfsizlik	Iqtisodchi	1	Kunduzgi	Mutaxassilik fanlari asosida
Umumfuqaroviy asosda oliy ma’lumotli bakalavrlar kadrlar uchun
6.	Yurisprudensiya	Yurist	1	Kunduzgi	Chet tilini bilish bo‘yicha B2 sertifikat mavjudligi
7.	Psixologiya**	Psixolog	1	Kunduzgi	Chet tilini bilish bo‘yicha B2 sertifikat mavjudligi
8.	Iqtisodiyot**	Iqtisodchi	1	Kunduzgi	Chet tilini bilish bo‘yicha B2 sertifikat mavjudligi

Universitetga harbiy xizmatchi va xodimlar uchun sirtqi ta’lim shakliga 2 ta ta’lim yo‘nalishi bo‘yicha nomzodlar o‘qishga qabul qilinadi.

T/r	Yo‘nalishlar	Kvalifikatsiya	O‘qish muddati		Ta’lim olish shakli	Test topshiriladigan fanlar
			Oliy ma’lumotlilar uchun	O‘rta maxsus uchun
1.	Xavfsizlikni huquqiy ta’minlash	Yurist	4	3	Sirtqi	Huquqshunoslik
						Chet tili
2.	Xizmat faoliyatini tarbiyaviy-psixologik ta’minlash	Psixolog	4	3	Sirtqi	Biologiya
						Ona tili va adabiyot

Bundan tashqari qabul bo‘yicha sizni qiziqtirgan savollar bo‘lsa, quyidagi +998712303271, +998712303250, +998997283526 raqamlarga qo‘ng‘iroq qilishingiz mumkin.

O‘zbekiston Respublikasi Jamoat xavfsizligi universitetiga kursantlarni o‘qishga qabul qilish

TARTIBI

Harbiy professional yo‘nalish

Harbiy xizmatchi kasbining mohiyatini va unga qo‘yiladigan talablarni ochib berish, yoshlarda harbiy kasbni ongli ravishda tanlashni shakllantirish, muayyan harbiy mutaxassislikni tanlashda ularga yordam berish

Arizalar

O‘qishga hujjat topshirish uchun fuqaro yoshlar o‘zlarining yashash joyidagi Mudofaa ishlari bo‘yicha bo‘limlarga ariza bilan, harbiy xizmatchilar o‘z xizmat o‘tash joyiga bildirgi bilan murojaat qiladilar

O‘qishga kirish uchun arizalar (bildirgilar)
1 fevraldan 1 aprelga qadar qabul qilinadi

Qabul qilingan arizalar (bildirgilar) asosida mudofaa ishlari bo‘yicha bo‘limlar va harbiy qismlar (muassasalar) tomonidan tegishli hujjatlar rasmiylashtiriladi.

Nomzodlarga berilgan imtiyozlar O‘R VMning 2014 yil 3 iyundagi 141-son «O‘R oliy harbiy ta’lim muassasalariga tanlash tartibi va qabul qilish qoidalari to‘g‘risidagi nizomni tasdiqlash haqida»gi qarorining 6-bobida belgilangan

O‘qish muddati 4 yil.

Nomzodlarni tibbiy ko‘rikdan o‘tkazish tartibi “O‘R Qurolli Kuchlarida tinchlik va urush davrida tibbiy ko‘rikdan o‘tkazish to‘g‘risidagi nizomni tasdiqlash haqida”gi O‘zbekiston Respublikasi Prezidentining 2018 yil 25 dekabrdagi PQ-4076-son qaroriga muvofiq

Dastlabki tanlash

(jamlovchi Mudofaa ishlari bo‘yicha bo‘lim va boshqarmalarda o‘tkaziladi)

Dastlabki tanlash davomida quyidagi o‘tkaziladi:

- hujjatlarni to‘plash va o‘rganish;

- yakka tartibdagi suhbat;

- tibbiy ko‘rik;

- individual-psixologik o‘rganish;

- umumjismoniy tayyorgar-lik darajasini baholash.

1 apreldan 20 mayga qadar amalga oshiriladi.

Nomzodlar jismoniy tayyorgarlik darajasini baholashda quyidagi mashqlarni bajaradi:

turnikda tortilish;

100 metrga yugurish;

3000 metrga yugurish.

Harbiy-professional tanlash tadbirlari natijalariga ko‘ra nomzodni test sinovlari topshirishga qo‘yish masalasi hal etiladi.

Harbiy-professional tanlash tadbirlari iyun oyida Universitetda o‘tkaziladi.

Harbiy-professional tanlashning barcha tadbirlari natijalari bo‘yicha nomzodlarning qayd etgan natijalari umumlashtirilib, ularning o‘rtacha arifmetik bahosi aniqlanadi.

O‘rtacha arifmetik bahosi 3 va undan yuqori bo‘lgan nomzodlar Davlat test markazi tomonidan o‘tkaziladigan test sinovlarini topshirishga qo‘yiladi.

Harbiy-professional tanlash tadbirlari natijalari bo‘yicha qaydnoma qabul komissiyasining a’zolari tomonidan imzolanadi.

1. Hujjatlarni o‘rganish

Qabul komissiyasining nomzodlar hujjatlarini o‘rganish bo‘yicha mas’ul a’zolari tomonidan o‘rganiladi

Universitetga takdim etilgan shaxsiy hujjatlar yig‘ma jildlari ruyxatga olinadi, ularning belgilangan talablarga muvofiqligi tekshiriladi

2. Psixofiziologik o‘rganish

Psixofiziologik o‘rganish nomzod hissiy (somatik), psixoemotsional jihatdan normal holatda bo‘lgandagina o‘tkazilishi lozim

Psixofiziologik o‘rganish avtomatlashtirilgan psixofiziologik komplekslar yordamida amalga oshiriladi.

3. Tibbiy ko‘rik

Sog‘lig‘ining holatiga ko‘ra Universitetda o‘qishga yaroqsiz deb hisoblangan nomzod keyingi tadbirlariga qo‘yilmaydi.

Nomzodning sog‘lig‘ini holatiga ko‘ra Universitetda o‘qishga yaroqliligi to‘g‘risida xulosa chiqariladi.

4. Yozma ish (diktant)

nomzodning orfografik va punktuatsion savodxonligini baholash;

diktant matnining hajmi 90 -120 ta so‘zdan iborat bo‘ladi;

Nomzodlarga diktantni qayta topshirishga ruxsat berilmaydi.

diktant “5” ballik tizimda baholanadi:

2 tagacha orfografik yoxud punktuatsion xatoga - 5 ball;

6 tagacha orfografik yoxud punktuatsion xatoga - 4 ball;

9 tagacha orfografik yoxud punktuatsion xatoga - 3 ball;

12 tagacha orfografik yoxud punktuatsion xatoga - 2 ball;

13 va undan ortiq orfo-grafik yoxud punktuatsion xatoga - 1 ball qo‘yiladi.

5. Kompyuter va AKT egallab olganlikni tekshirish

Nomzodning KT va AKT egallaganlik darajasini aniklash kompyuterda, test shaklida o‘tkaziladi.

Test sinovlari “5” ballik tizimda baholanadi:

26 - 30 ta test savollariga to‘g‘ri javob - 5 ball;

21 - 25 ta test savollariga to‘g‘ri javob - 4 ball;

16 - 20 ta test savollariga to‘g‘ri javob - 3 ball;

11 - 15 ta test savollariga to‘g‘ri javob - 2 ball;

1 - 10 ta test savollariga to‘g‘ri javob - 1 ball;

savollarining birortasiga ham to‘g‘ri javob berilmagan bo‘lsa - 0 ball qo‘yiladi.

6. Yakka tartibdagi yakuniy suhbat

Savollar umumiy o‘rta, o‘rta maxsus va kasb-hunar (o‘rta maxsus professional) ta’limi o‘quv dasturlariga muvofiq ishlab chiqiladi.

Yakka tartibdagi yakuniy suhbatdan muvaffaqiyatsiz o‘tgan nomzodlarga uni qayta topshirishga ruxsat berilmaydi.

Nomzodga og‘zaki tarzda 3 ta savol beradi.

Nomzodga savollar navbat bilan beriladi (nomzodga 1 ta savol beriladi, u savolga javob bersa yoki javob bera olmasa unga navbatdagi savol beriladi).

Har bir nomzodga 10 daqiqagacha vaqt ajratiladi.

Nomzodlar “5” ballik tizimda baholanadi

Test sinovlari

Nomzod oliy harbiy ta’lim muassasasiga o‘qishga kirish uchun berilgan arizada (bildirgida) qaysi chet tilidan imtihon topshirishni ko‘rsatadi.

Test sinovlariga qo‘yilgan nomzodlar sinovlarini O‘R Vazirlar Mahkamasining 2014 yil 3 iyundagi 141-son qarori bilan tasdiqlangan O‘R oliy harbiy ta’lim muassasalariga tanlash tartibi va qabul qilish qoidalari to‘g‘risidagi nizomga hamda oliy harbiy ta’lim muassasalarida test sinovlarini o‘tkazish tartibi to‘g‘risidagi nizomga muvofiq topshiradilar.

Ta’lim yo‘nalishlari

1. Maxsus vazifalarni bajarish qo‘shinlarining taktik qo‘mondonligi

2. Milliy xavfsizlikni huquqiy ta’minlash

3. Xizmat faoliyatini psixologik ta’minlash

4. Aniqlovchi va qo‘riqlovchi yelektron tizimlarni tashkil yetish va foydalanish bo‘yicha qo‘mondonlik-muhandisligi

5.Ishlab chiqarishni tashkillashitirish va boshqarishning qo‘mondonlik -muhandisligi

Nomzodlarni JXU o‘qishga qabul qilish O‘zbekiston Respublikasi Vazirlar Mahkamasi huzuridagi Davlat test markazi tomonidan taqdim etilgan test sinovlari natijalari asosida amalga oshiriladi va Universitet qabul komissiyasi 10 iyulda nomzodlarni o‘qishga qabul qilish masalasini ko‘rib chiqadi va tegishli protokolni rasmiylashtiradi.

O‘zbekiston Respublikasi Jamoat xavfsizligi universitetiga o‘qishga kiruvchi nomzodlar bilan ta’lim yo‘nalishlari bo‘yicha test sinovlarini o‘tkazish uchun ularga muvofiq keluvchi fanlar majmui bo‘yicha TAKLIF

T/r	Yo‘nalishlar	O‘qish muddati	Test topshiriladigan fanlar	Ball
Bakalavriyat (kursantlar)
1.	Maxsus vazifalarni bajarish qo‘shinlarining qo‘mondonlik-taktik faoliyati	4	Matematika	3.1.
			Fizika	3.1.
2.	Xizmat faoliyatini tarbiyaviy-psixologik ta’minlash	4	Biologiya	3.1.
			Ona tili va adabiyot	3.1.
3.	Xavfsizlikni huquqiy ta’minlash	4	Tarix	3.1.
			Chet tili	3.1.
4	Xalqaro harbiy hamkorlikni huquqiy ta’minlash	4	Tarix	3.1.
			Chet tili	3.1.
5	Iqtisodiy xavfsizlik	4	Matematika	3.1.
			Chet tili	3.1.
6	Aniqlash va qo‘riqlash tizimlardan foydalanish bo‘yicha qo‘mondonlik-muhandislik faoliyati	4	Matematika	3.1.
			Fizika	3.1.
7	Qo‘riqlash bo‘linmalarining qo‘mondonlik-taktik faoliyati	3	Tarix	3.1.
			Chet tili	3.1.
8	Yo‘l-patrul xizmatining qo‘mondonlik-taktik faoliyati	3	Tarix	3.1.
			Chet tili	3.1.
9	Patrul-post xizmatining qo‘mondonlik-taktik faoliyati	3	Tarix	3.1.
			Chet tili	3.1.
10	Pasport tizimini huquqiy ta’minlash	3	Tarix	3.1.
			Chet tili	3.1.
Sirtqi (tinglovchilar (o‘rta-maxsus/oliy ma’lumotlilar))
11	Xavfsizlikni huquqiy ta’minlash	4/3	Tarix	3.1.
			Chet tili	3.1.
12	Xizmat faoliyatini tarbiyaviy-psixologik ta’minlash	4/3	Biologiya	3.1.
			Ona tili va adabiyot	3.1.
Bakalavriyat (fuqarolar)
13	Yurisprudensiya	4	Tarix	3.1.
			Chet tili	3.1.
14	Psixologiya	4	Biologiya	3.1.
			Ona tili va adabiyot	3.1.
15	Iqtisodiy xavfsizlik	4	Matematika	3.1.
			Chet tili	3.1.
Magistratura (tinglovchilar)
16	Jamoat xavfsizligini tezkor-taktik ta’minlashning qo‘mondonlik-shtab faoliyati	1	Mutaxassislik
			Ma’naviy-ma’rifiy tayyorgarlik
			Chet tili
17	Tarbiyaviy-psixologik ta’minlashning qo‘mondonlik-shtab faoliyati	1	Mutaxassislik
			Ma’naviy-ma’rifiy tayyorgarlik
			Chet tili
18	Qo‘riqlash faoliyatini ta’minlashning qo‘mondonlik-muhandislik faoliyati	1	Mutaxassislik
			Ma’naviy-ma’rifiy tayyorgarlik
			Chet tili
19	Jamoat xavfsizligini huquqiy ta’minlash	1	Mutaxassislik
			Ma’naviy-ma’rifiy tayyorgarlik
			Chet tili
20	Iqtisodiy xavfsizlik	1	Mutaxassislik
			Ma’naviy-ma’rifiy tayyorgarlik
			Chet tili
Magistratura (fuqarolar)
21	Yurisprudensiya	1	Mutaxassislik	3.1.
			Chet tili	2.1.
22	Psixologiya	1	Mutaxassislik	3.1.
			Chet tili	2.1.
23	Iqtisodyot	1	Mutaxassislik	3.1.
			Chet tili	2.1.

O‘zbekiston Respublikasi JXU

O‘zbekiston Respublikasi Jamoat xavfsizligi universitetiga kursantlarni o‘qishga qabul qilish tartibi

Milliy gvardiya taʼlim muassasalariga o‘qishga qabul qilish tarkibi

Yangiliklar

Milliy gvardiya Jamoat xavfsizligi universitetida “Yangi Oʻzbekistonning ijtimoiy hayotida xotin-qiz…

Milliy gvardiya tizimida oʻtkazilgan “Dovyurak jangchi” intensiv sinovlarida muvaffaqiyatli ishtirok…

Nukus shahrida yo‘lovchilarning chaqiruviga binoan yetib borgan Milliy gvardiya xodimlari tomonidan …