Toshkent viloyatida harbiy xizmatchi va xodimlar hamda ularning oila aʼzolarini ijtimoiy jihatdan qo‘llab-quvvatlash, mavjud muammolarini o‘rganish maqsadida navbatdagi ommaviy sayyor qabul o‘tkazildi / / O‘zbekiston Respublikasi Prezidenti Shavkat Mirziyoyevning taklifiga binoan Mo‘g‘uliston Prezidenti Uxnaagiyn Xurelsux davlat tashrifi bilan mamlakatimizga keldi / / Yoshlar oyligi doirasida, Baxt shahrida joylashgan Respublika o‘g‘il bolalar o‘quv-tarbiya muassasasi tarbiyalanuvchilarining Toshkent shahriga sayohati tashkillashtirildi / / Milliy gvardiya inspektor-psixologlari bilan o‘tkazilayotgan o‘quv-uslubiy o‘quv yig‘ini davom etmoqda / / Harbiy xizmatchi va xodimlar hamda ularning oila aʼzolarini ijtimoiy jihatdan qo‘llab-quvvatlash, mavjud muammolarini o‘rganish maqsadida navbatdagi ommaviy sayyor qabul o‘tkazildi / / Yozgi taʼtildagi bolajonlar uchun vatanparvarlik tadbirlari davom etmoqda  / / Poytaxtimizdagi "Zakovat arena" majmuasida, 30 iyun yoshlar kuni munosabati bilan Milliy gvardiya harbiy xizmatchi va xodimlari, kursant va o‘quvchilari o‘rtasida “Zakovat intellektual” turniri bo‘lib o‘tdi  / / Toshkent viloyatida Milliy gvardiya, FVV hamda IIIB hamkorligida, Chirchiq shahrida joylashgan Taʼlim muassasalari, Madaniyat saroyi hamda ijtimoiy soha obyektlarida aholini zilzila va boshqa favqulodda vaziyatlarda to‘g‘ri harakat qilish ko‘nikmalarini oshirishga qaratilgan taktik-o‘quv mashg‘uloti o‘tkazildi / / Milliy gvardiya qo‘mondoni poytaxtning Chilonzor va Uchtepa tumanlaridagi kriminogen vaziyat bo‘yicha olib borilayotgan ishlarni o‘rgandi // Respublikamiz bo‘ylab Milliy gvardiya IIO bilan hamkorlikda jamoat joylaridagi huquq-tartibot, jinoyatlarning barvaqt oldini olish, qoidabuzarliklarni profilaktika qilish va fuqarolar xavfsizligini taʼminlash bo‘yicha xizmat olib borishmoqda //Respublika miqyosida Milliy gvardiya inspektor-psixologlari bilan o‘quv-uslubiy yig‘ini boshlandi // Guliston shahrida “Yangi O‘zbekiston yoshlari, birlashaylik!” shiori ostida yoshlarni harbiy vatanparvarlik ruhida tarbiyalashga qaratilgan "Harbiy vatanparvarlik" pavilyonida tashkil etilgan harbiy texnikalar hamda qurol-yarog‘lar ko‘rgazmasi tashkil etildi //Tuyabo‘g‘iz suv ombori yaqinida dam olayotgan fuqarolarning xavfsizligini taʼminlash va jamoat tartibini saqlash maqsadida, FVB, Milliy gvardiya va Ichki ishlar xodimlari xizmati olib bormoqda. // Milliy gvardiya Sirdaryo viloyati bo‘yicha boshqarmasi harbiy xizmatchi va xodimlari hamda ularning oila aʼzolari dam olish kunlarida muzeylarga tashrif buyurishdi. // Maktab tasarrufidagi oromgohlarda bolalar uchun sport to‘garaklari faoliyat olib bormoqda. // Qurbon hayiti kunlari Milliy gvardiya xodimlari xizmat vaqtida halok bo‘lgan hamkasblarining oila aʼzolari holidan xabar olishdi.//O‘zbekiston Respublikasi Milliy gvardiyasi Toshkent “Temurbeklar maktabi” hamda Harbiy musiqa akademik litseyi bitiruvchilariga bag‘ishlangan tantanali marosim bo‘lib o‘tdi. // Maʼnaviyat va maʼrifat markazida Milliy gvardiya Harbiy musiqa akademik litseyi o‘quvchilari hamda Buyuk Britaniya Uels Malikasi Qirollik polki Harbiy orkestrining bosh dirijyori podpolkovnik Vayne Hopla va uning jamoasi hamkorligida "Ohanglar sadosi" nomli konsert dasturi o‘tkazildi. //Termiz shahrida O‘zbekiston kubogi uchun qo‘l jangi musobaqalari yakunlandi // Milliy gvardiya kinologlari o‘rtasida ochiq musobaqa o‘tkazildi // Harbiy xizmatchilar va ularning oila aʼzolari, shuningdek, muddatli harbiy harbiy xizmatchilar Farg‘ona shahar madaniyat saroyida konsert dasturini tomosha qildi // Poytaxtda Milliy gvardiya xodimlari Ashtarxoniylar sarkardasi Yalangtush Bahodir haqidagi tarixiy badiiy filmni tomosha qilishdi // Andijonda Milliy gvardiya xodimlari va ularning oila aʼzolari uchun navbatdagi sayyor qabul bo‘lib o‘tdi.//Sirdaryo viloyatida aholi va yoshlari ishtirokida sayyor qabul o‘tkazildi // Kinolog-mutaxassislarning xizmat ko'pkurashi bo'yicha ochiq musobaqasi davom etmoqda // Milliy gvardiya Qoraqalpog‘iston Respublikasi bo'yicha boshqarmasida xodimlarning farzandlariga oliy o‘quv yurtlariga o‘qishga kirish uchun tavsiyanomalar topshirildi // Respublikamiz bo‘ylab Milliy gvardiya va Ichki ishlar organlari xodimlari hamkorligidagi huquq-tartibot va fuqarolarning xavfsizligini ta’minlash bo’yicha reyd tadbirlari davom etmoqda. // Milliy gvardiyaning Andijon viloyati boshqarmasi tomonidan futbol musobaqasida jamoat tartibini buzgan huquqbuzarlarga nisbatan chora koʻrildi / / Milliy gvardiya shaxsiy tarkibi bilan xizmat intizomini mustahkamlash va huquqbuzarliklarning oldini olish yuzasidan ishlar olib borilmoqda //Milliy gvardiya xodimlarining farzandlari uchun Maʼnaviyat va maʼrifat markazida bayram konsert dasturi tashkil etildi // Poytaxtimizda Xalqaro bolalarni himoya qilish kuniga bag‘ishlangan otlar paradi bo‘lib o‘tdi // O‘zbekiston Kasaba uyushmalari federatsiyasi va Milliy gvardiya tomonidan tashkil etildi. bolalar uchun bayram tadbiri // Xalqaro bolalarni himoya qilish kuni munosabati bilan poytaxtimizda joylashgan Bolalar gematologiyasi, onkologiyasi va klinik immunologiyasi markazida davolanayotgan bolajonlar uchun, Milliy gvardiya va Sog‘liqni saqlash vazirligi hamkorligida bayramona tadbir tashkil etildi // Huquqni muhofaza qilish organlari va kuch tuzilmalari kinologiya xizmatchilari o‘rtasida ko‘rik-tanlov tashkil etildi //Ixtisoslashgan sinflar o‘rtasida “Yosh gvardiyachilar” harbiy-sport musobaqasining Respublika bosqichi yakunlandi // Prezident Shavkat Mirziyoyevning taklifiga binoan Rossiya Federatsiyasi Prezidenti O‘zbekistonga tashrif buyurdi / / Milliy gvardiya, Ichki ishlar Vazirligi va hamkor tashkilotlar tomonidan so‘nggi qo‘ng‘iroq munosabati bilan o‘tkazilgan tantanali tadbirlarda jamoat tartibi va xavfsizligi taʼminlandi //Prezidentimiz yurtimiz bitiruvchilarini tabrikladi / / Qoraqalpog‘iston Respublikasi Amudaryo tumanidagi 11-maktabda “Yosh gvardiyachilar” sinfi ochildi//Shaxsiy tarkib ishtirokida "Huquqbuzarlik va jinoyatlarga qarshi kurashishda barchamiz masʼulmiz" mavzusida uchrashuv bo‘lib o‘tdi // Harbiy xizmatchilar uchun sayyor qabul // Umumtaʼlim maktablari o‘quvchilari o‘rtasida o‘tkazilgan “Yosh gvardiyachi” harbiy-sport musobaqasining respublika bosqichi g‘oliblari aniqlandi // Umumiy oʻrta taʼlim muassasalarida oʻquv yili yakunlanishi munosabati bilan xavfsizlikni taʼminlash va jamoat tartibini saqlash borasida amalga oshiriladigan hamkorlikdagi chora-tadbirlar belgilab olindi. // Milliy gvardiya Toshkent Temurbeklar maktabida "Yosh gvardiyachilar" harbiy-sport musobaqasining respublika bosqichi bo‘lib o‘tmoqda. //  Sankt-Peterburg shahrida bo‘lib o‘tgan Regbi-7  xalqaro turnirida munosib ishtirok etib, faxrli 2- o‘rinni qo‘lga kiritgan  O‘zbekiston Respublikasi  Milliy gvardiyasi jamoasi sportchilari munosib rag‘batlantirildi // Harbiy sport musobaqasi // Milliy gvardiya Maʼnaviyat va maʼrifat markazida tizimdagi bir guruh harbiy xizmatchi va xodimlarning farzandlariga imtiyozli tavsiyanomalar topshirildi.// «Yangi O'zbekistonning ibratli harbiylar oilasi» tanlovi // Farg‘ona mintaqaviy o‘quv markazida tinglovchilarni qasamyod qabul qilish va navbatdagi bitiruvchilarga tantanali ravishda sertifikatlar topshirish tadbiri bo‘lib o‘tdi. // Sankt-Peterburg shahrida bo‘lib o‘tayotgan Regbi-7 xalqaro turniri o‘z nihoyasiga yetdi va turnir davomida yetakchilik qilib kelgan O‘zbekiston Respublikasi Milliy gvardiyasi jamoasi ikkinchi o‘rinni egalladi. 

Ўз O'z Ру En

Temurbeklar maktablariga o‘qishga kiruvchi nomzodlar uchun qisqacha

MA’LUMOT

 

O‘zbekiston Respublikasi Prezidentining 2019 yil 28 iyun PQ-4375-son “O‘smirlarni harbiy-vatanparvarlik ruhida tarbiyalash hamda O‘zbekiston Respublikasi Qurolli Kuchlari va davlat xizmati uchun kadrlar zaxirasini tayyorlash tizimini takomillashtirishga oid qo‘shimcha chora-tadbirlar to‘g‘risida”gi qaroriga muvofiq,  O‘zbekiston Respublikasi Mudofaa, Ichki ishlar, Favqulodda vaziyatlar vazirliklari, Davlat xavfsizlik xizmati, Milliy gvardiyasi tarkibida prinsipial yangi “Temurbeklar maktabi” harbiy-akademik litseylari tashkil etildi.

“Temurbeklar maktabi”da o‘qish davomiyligi ikki yil bo‘lib, har biriga yillik qabul kvotasi 100 kishini tashkil etadi.

Nomzodlarni o‘qishga qabul qilish O‘zbekiston Respublikasi Prezidentining
2019 yil 28 iyundagi PQ-4375-son qarorining 3-ilovasi bilan tasdiqlangan “Temurbeklar maktabi” harbiy-akademik litseyi to‘g‘risidagi Nizom hamda “Temurbeklar maktabi” harbiy-akademik litseylarning Ustavi asosida amalga oshiriladi.

 

Nomzodlarni saralash tartibi

  1. “Temurbeklar maktabi”ga joriy yilda umumta’lim va ixtisoslashtirilgan maktab-internat maktablarining 9-sinfini tamomlaganlik to‘g‘risidagi shahodatnomaga ega, sog‘lig‘ining holatiga ko‘ra o‘qishga yaroqli deb topilgan hamda haqqoniy va shaffoflik tamoyillariga asoslangan saralash tanlovidan muvaffaqiyatli o‘tgan, erkak jinsli O‘zbekiston Respublikasining fuqarolari o‘qishga qabul qilinadi.
  2. Saralash tanlovi dastlabki tanlash, harbiy-kasbiy tanlov va test sinovlaridan iborat.

 

Dastlabki tanlash

  1. Dastlabki tanlashning asosiy tadbirlari quyidagilar hisoblanadi:

nomzodga tegishli hujjatlarni va uni tavsiflovchi ma’lumotlarni to‘plash;

nomzod to‘g‘risidagi turli ma’lumotlarni (oilaviy ahvoli, ota-onasi
va yaqin qarindoshlarining harbiy xizmatga munosabati va shu kabilar), nomzodning “Temurbeklar maktabi”ga o‘qishga kirishini tanlashiga asoslar va sabablarni aniqlashtirish;

umumta’lim fanlari bo‘yicha o‘zlashtirishi, sog‘lig‘i va jismoniy tayyorgarlik holatini har tomonlama va xolisona baholash;

nomzodlarning shaxsiy-psixologik xususiyatlarini o‘rganish.

  1. Nomzodlar uchun dastlabki tanlash “Temurbeklar maktabi”ga o‘qishga kirish istagini bildirgan nomzodlarning arizalari asosida yashash joyi bo‘yicha mudofaa ishlari bo‘yicha bo‘limlarda har yili 1 apreldan 30 aprelga qadar o‘tkaziladi.
  2. Dastlabki tanlashda ishtirok etish uchun nomzodlar quyidagi hujjatlarni taqdim etadi:
  3. a) mudofaa ishlari bo‘yicha bo‘lim boshlig‘i nomiga ariza;
  4. b) belgilangan shakldagi so‘rovnoma;
  5. v) o‘qish va yashash joyidan tavsifnoma;
  6. g) ta’lim muassasasiga kirayotgan nomzodning tibbiy xulosalar qayd etilgan tibbiy daftarchasi (kartasi);
  7. d) namuna asosida yozilgan batafsil tarjimai hol;
  8. e) tug‘ilganlik haqidagi guvohnoma yoki pasport nusxasi, mudofaa ishlari bo‘limlarida ro‘yxatda turishi to‘g‘risidagi ma’lumotnoma nusxasi;
  9. j) fanlarni o‘zlashtirishi to‘g‘risida o‘qish joyidan direktor tomonidan tasdiqlangan ma’lumotnoma;
  10. z) psixonevrologik, silga qarshi va teri-tanosil kasalliklari dispanserlari, narkologik va odam immuniteti tanqisligi sindromiga (OITS) qarshi kurashish markazlaridan berilgan ma’lumotnoma, laboratoriya tekshirishlari natijalari (qon va peshobning umumiy tahlili, najasni gelmentologik tekshiruvi, qonning biokimyoviy tekshiruvlari: “V” va “S” turdagi virusli gepatit markerlari, ATL, AST, bilirubin (fraksiyalari bilan), umumiy oqsil, timol sinamasi, ko‘krak qafasi flyuorografiyasi, elektrokardiografiya tekshiruvi (EKG), qorin bo‘shlig‘i, siydik ajratish tizimi a’zolari va qalqonsimon bezning, ultratovush tekshiruvi (UTT), ezofagogastroeduodenoskopiya tekshiruvi (EFGDS) xulosalari) bo‘yicha tibbiy ma’lumotnomalar;
  11. i) nomzodning ichki ishlar organlarida ro‘yxatga olinmaganligi holatlarini tasdiqlovchi ma’lumotnoma;
  12. k) 4 dona 3,5 x 4,5 sm o‘lchamli va 6 dona 3 x 4 sm o‘lchamli rangli fotosuratlar.
  13. O‘zbekiston Respublikasi ta’lim muassasalariga qabul qilish bo‘yicha Davlat komissiyasining qaroriga muvofiq dastlabki va harbiy-kasbiy tanlashdan muvaffaqiyatli o‘tgan “Temurbeklar maktabi”ga test sinovlarisiz tanlovdan tashqari o‘qishga qabul qilinish huquqiga ega bo‘lgan ayrim toifadagi nomzodlar, shuningdek test sinovlarida o‘zlari to‘plagan ballarning 20 foizi miqdoridagi qo‘shimcha ballar ko‘rinishida imtiyozga ega bo‘lgan nomzodlar qo‘shimcha ravishda quyidagi hujjatlarni taqdim etadilar:
  14. a) xalqaro va respublika fan olimpiadalarining g‘olibligini tasdiqlovchi belgilangan namunadagi guvohnoma;
  15. b) o‘z xizmat vazifalarini bajarish chog‘ida halok bo‘lgan hamda jarohatlanish (shikastlanish) natijasida nogiron bo‘lib qolgan harbiy xizmatchilar, huquqni muhofaza qilish organlari xodimlari va Favqulodda vaziyatlar vazirligi qutqaruv bo‘linmalari xizmatchilarining farzandlari:

o‘lim guvohnomasi yoki nogironlik to‘g‘risidagi ma’lumotnoma;

xizmat vazifalarini bajarish chog‘ida halok bo‘lgan hamda jarohatlanish (shikastlanish) natijasida nogiron bo‘lib qolganligi yuzasidan tegishli vazirlik va idora rahbarining buyrug‘idan ko‘chirma.

  1. v) etim, ota-ona qarovisiz qolgan, ijtimoiy nosog‘lom oilalarda yashayotgan, davlat va jamiyat ko‘magiga muhtoj bo‘lgan, joriy yilda umumta’lim maktablarining 9-sinfini tamomlagan nomzodlar uchun Voyaga etmagan yoshlar bilan ishlash bo‘yicha hududiy idoralararo komissiya tavsiyasi;
  2. g) Jismoniy tarbiya va sport vazirligi rahbarligida o‘tkazilayotgan respublika va xalqaro sport musobaqalarining g‘olibligini tasdiqlovchi guvohnoma.
  3. Tug‘ilganlik to‘g‘risida guvohnoma yoki pasport, chaqiriluvchining qayd etilganligi to‘g‘risida guvohnoma, o‘qishga imtiyozli kirish huquqini tasdiqlovchi hujjatlarning asl nusxalari nomzodlar tomonidan “Temurbeklar maktabi”ga kelganda qabul komissiyasiga shaxsan taqdim etiladi.
  4. Quyidagilar “Temurbeklar maktabi”ga kirish uchun rad javobini berilishiga asos bo‘ladi:

nomzodning O‘zbekiston Respublikasi fuqarosi emasligi;

nomzodga nisbatan jinoiy ish qo‘zg‘atilganligi, dastlabki tergov yoki surishtiruv o‘tkazilayotganligi, jinoyat ishi sudda ko‘rib chiqilayotganligi;

jazo chorasi turidan yoki amnistiya qarori qo‘llanilganligidan qat’iy nazar sodir etilgan jinoyat uchun ayblov hukmi chiqarilganligi;

yashash joyidan va ichki ishlar organlaridan salbiy tavsiyanomalar mavjudligi.

  1. Dastlabki tanlash natijalari bo‘yicha “Temurbeklar maktabi”ga o‘qishga kirish uchun tavsiya qilingan nomzodlarning shaxsiy yig‘majildlari tuman (shahar) mudofaa ishlari bo‘yicha bo‘limlari tomonidan har yili 1 may kuniga qadar mudofaa ishlari boshqarmalariga

 

 

Harbiy-kasbiy tanlash

  1. Harbiy-kasbiy tanlashning asosiy tadbirlari quyidagilardan iborat:

taqdim qilingan nomzodga tegishli hujjatlar va uni tavsiflovchi ma’lumotlarni o‘rganish;

nomzodlarning yakuniy tibbiy tekshiruvdan o‘tkazish;

nomzodning savodxonlik darajasini (orfografiya va punktuatsiya) baholash;

nomzodlarning psixofiziologik xususiyatlarini o‘rganish;

nomzodlarning jismoniy tayyorgarlik darajasini aniqlash;

nomzod bilan yakka tartibda yakuniy suhbat o‘tkazish va nomzodlarni test sinovlariga qo‘yish to‘g‘risida yakuniy qaror qabul qilish.

  1. Harbiy-kasbiy tanlash nomzodning yashash joyi bo‘yicha mudofaa ishlari boshqarmalarida har yili 1 maydan 20 iyun kuniga qadar o‘tkaziladi.
  2. Mudofaa ishlari boshqarmalari tomonidan nomzodlarning rasmiylashtirilgan shaxsiy yig‘majildlari mudofaa ishlari boshqarmalari orqali “Temurbeklar maktabi”ning qabul komissiyasiga yuboriladi.
  3. Test sinovlariga ruxsat etilgan nomzodlarga mudofaa ishlari boshqarmalari tomonidan ma’lumotnoma beriladi. Ma’lumotnoma umumta’lim maktabidan umumiy o‘rta ta’lim to‘g‘risidagi shahodatnomani olish uchun asos bo‘lib xizmat qiladi.
  4. SHaxsiy yig‘majildlarini o‘rganish natijalariga ko‘ra test sinovlariga ruxsat etilgan nomzodlarning ro‘yxatlarini mudofaa ishlari boshqarmalarigacha etkazish uchun “Temurbeklar maktabi”ning qabul komissiyasi mas’ul hisoblanadi.
  5. Nomzodlarning test sinovlarida ishtirok etish uchun o‘z vaqtida “Temurbeklar maktabi”ga etib kelishi uchun javobgarlik mudofaa ishlari boshqarmalari boshliqlariga yuklatiladi.
  6. “Temurbeklar maktabi”ga kelib-ketish, test sinovlariga tayyorlanish va topshirish davrida joylashish hamda ovqatlanish bilan bog‘liq harajatlar nomzodlarning ota-onalari yoki ularning o‘rnini bosuvchi shaxslar tomonidan qoplanadi.

 

Test sinovlari

  1. Test sinovlari O‘zbekiston Respublikasi Vazirlar Mahkamasi huzuridagi Davlat test markazi tomonidan o‘rnatilgan tartibda o‘tkaziladi.
  2. Test sinovlari o‘tkaziladigan umumta’lim fanlari bloki O‘zbekiston Respublikasi ta’lim muassasalariga qabul qilish bo‘yicha Davlat komissiyasi tomonidan tasdiqlanadi.

Nomzodlar test sinovlarini o‘z ixtiyoriga ko‘ra uch tildan – o‘zbek, qoraqalpoq va rus tillaridan birida topshiradilar.

  1. Test sinovlariga belgilangan muddatda kelmagan nomzodlar uchun takroriy test sinovlari o‘tkazilmaydi.
  2. “Temurbeklar maktabi”ga qabul qilinmagan (saralashdan o‘tmagan) nomzodlarning shaxsiy yig‘majildlari (va boshqa hujjatlari) dalolatnoma asosida keyinchalik nomzodlarning yashash joyi bo‘yicha Xalq ta’limi vazirligining hududiy boshqarmalariga topshirish uchun mudofaa ishlari boshqarmasi vakiliga beriladi.
  3. Test sinovlarini o‘tkazish sanasi, joyi va vaqtini Davlat test markazi bilan kelishilgan holda belgilanadi.
  4. Test topshiriqlari umumiy o‘rta ta’limi fanlari (5-9 sinflari kesimida)ning Davlat ta’lim standartlariga muvofiq tuziladi.
  5. Test sinovlari natijasidan norozi bo‘lgan nomzod, uning ota-onasi yoki ularning o‘rnini bosuvchilar (vasiylar) test sinovlari natijasi e’lon qilingandan keyin ikki ish kuni davomida test sinovi o‘tkazilgan “Temurbeklar maktabi”da tashkil etilgan apellyasiya komissiyasiga yozma ravishda test natijalari bo‘yicha apellyasiya shikoyati berish huquqiga ega bo‘lib, ularning shikoyati qonunchilikda belgilangan tartibda ko‘rib chiqiladi.

 

O‘qishga kirishda ayrim turdagi nomzodlarga

beriladigan imtiyozlar

  1. O‘zbekiston Respublikasi ta’lim muassasalariga qabul qilish bo‘yicha Davlat komissiyasining qaroriga muvofiq dastlabki va harbiy-kasbiy tanlashdan muvaffaqiyatli o‘tgan quyidagi nomzodlar “Temurbeklar maktabi”ga test sinovlarisiz tanlovdan tashqari o‘qishga qabul qilinadi:

xalqaro va respublika fan olimpiadalarining g‘oliblari – belgilangan qabul kvotasi doirasida;

o‘z xizmat vazifalarini bajarish chog‘ida halok bo‘lgan hamda jarohatlanish (shikastlanish) natijasida nogiron bo‘lib qolgan harbiy xizmatchilar, huquqni muhofaza qilish organlari xodimlari va Favqulodda vaziyatlar vazirligi qutqaruv bo‘linmalari xizmatchilarining farzandlari – kvotadan tashqari;

etim, ota-ona qarovisiz qolgan, ijtimoiy nosog‘lom oilalarda yashayotgan, davlat va jamiyat ko‘magiga muhtoj bo‘lgan, joriy yilda umumta’lim maktablarining 9-sinfini tamomlagan Voyaga etmagan yoshlar bilan ishlash bo‘yicha hududiy idoralararo komissiya tavsiyasi hamda tegishli vazirlik va idoralar rahbarlarining qarorlari asosida – kvotadan tashqari, belgilangan kvotaning 5 foizidan ko‘p bo‘lmagan miqdorda.

  1. Jismoniy tarbiya va sport vazirligi rahbarligida o‘tkazilayotgan respublika va xalqaro sport musobaqalarining g‘oliblariga Davlat test markazi tomonidan o‘tkazilayotgan test sinovlarida ular to‘plagan ballarning 20 foizi miqdoridagi qo‘shimcha ballar ko‘rinishida imtiyoz beriladi.

 

“Temurbeklar maktabi”ga o‘quvchilarni qabul qilish tartibi

  1. Nomzodlarni “Temurbeklar maktabi” o‘quvchilari safiga qabul qilish Davlat test markazi tomonidan o‘tkazilgan test sinovlari natijalariga ko‘ra amalga oshiriladi.
  2. Imtiyozlarga ega bo‘lgan (24-bandda ko‘rsatilgan) nomzodlar dastlabki va harbiy-kasbiy tanlash natijalariga asosan o‘qishga qabul qilinadi.
  3. Dastlabki va harbiy-kasbiy tanlashdan o‘tgan nomzodlar soni belgilangan qabul kvotalaridan kam bo‘lgan taqdirda test sinovlari o‘tkazilmaydi va nomzodlar dastlabki va harbiy-kasbiy tanlash natijalariga asosan qabul qilinadi.
  4. Bir nechta nomzodlarning o‘tish reyting ballari teng bo‘lgan hollarda ular orasida birinchi blok fanidan test natijalari yuqori bo‘lgan nomzod qabul qilinadi, shunda ham baholar teng bo‘lib qolgan taqdirda, umumiy o‘rta ta’lim to‘g‘risidagi shahodatnomadagi matematika, fizika, ona-tili va adabiyot fanlaridan olgan yakuniy baholari yig‘indisi boshqalarnikidan yuqori bo‘lgan nomzod o‘qishga qabul qilinadi.
  5. “Temurbeklar maktabi”ga o‘qishga qabul qilinadigan shaxslar o‘quvchi deb ataladi.

 

“Temurbeklar maktabi” bitiruvchilariga beriladigan imtiyozlar

  1. “Temurbeklar maktabi” bitiruvchilariga O‘zbekiston Respublikasi oliy harbiy va ixtisoslashtirilgan ta’lim muassasalariga o‘qishga kirishda Davlat test markazi tomonidan o‘tkaziladigan test sinovlarida o‘zlari to‘plagan ballarning
    30 foizi miqdoridagi, respublikaning boshqa davlat oliy ta’lim muassasalariga o‘qishga kirishda esa o‘zlari to‘plagan ballarning 15 foizi miqdoridagi qo‘shimcha ballar ko‘rinishida imtiyoz beriladi. 
  2. “Temurbeklar maktabi”ni imtiyozli diplom bilan tugatgan bitiruvchilarga, tarkibida “Temurbeklar maktabi” bo‘lgan vazirlik va idoralarning tegishliligi bo‘yicha oliy harbiy ta’lim muassasalariga test sinovlarisiz, harbiy-kasbiy saralash tadbirlarini muvafaqqiyatli o‘tish natijasida kirish huquqi beriladi.
  3. “Temurbeklar maktabi”ni tamomlaganlik to‘g‘risidagi ko‘krak nishoni beriladi. Ko‘krak nishoni kitel ko‘krak qismining o‘ng tomoniga taqiladi.

 

Murojaat uchun telefon 71.299-85-67

Ishonch telefoni: 71. 236-51-90

Text to speech