Chilonzor tumanidagi bolalar bog‘chasida nomaʼlum sabablarga ko‘ra tunab qolgan notanish shaxs qo‘lga olindi
Joriy yilning 12 iyun kuni soat 07:47 da Chilonzor tumani “Qo‘riqlash” boshqarmasiga mazkur tumanda joylashgan 407-sonli MTMdan “tashvish” xabari kelib tushgan.
Mazkur xabarga ko‘ra, THG xodimlari voqea joyiga zudlik bilan yetib borganda, bog‘cha xodimi bolalar yotoqxonasida nomaʼlum shaxs yotganligini ko‘rib tashvish tugmasini bosganligi aniqlangan.
Dastlabki surishtiruv ishlarida nomaʼlum shaxs Sirg‘ali tumanida istiqomat qiluvchi 27 yoshli X.B ekanligi maʼlum bo‘ldi.
Hozirda ushbu holat bo‘yicha surishtiruv ishlari Chilonzor tumani IIO FMB tomonidan olib borilmoqda.
