Harbiy xizmatchilar, havaskor va professional ijodkorlar uchun tanlov eʼlon qilinadi
Respublika Maʼnaviyat va maʼrifat markazi, O‘zbekiston Yozuvchilar uyushmasi, Davlat xavfsizlik xizmati, Mudofaa, Ichki ishlar, Favqulodda vaziyatlar vazirliklari, Milliy gvardiya, Fanlar Akademiyasi Tarix instituti, O‘zbekiston kompozitorlari va bastakorlari uyushmasi hamkorlikda «Qo‘shinlar madhiyasi» va «Eng jangovar qo‘shiq» hamda «Eng jangovar chaqiriq va shior» tanlovlarini eʼlon qiladi.
Tanlovlarda harbiy xizmatchilar, havaskor va professional ijodkorlar ishtirok etishlari mumkin.
«Qo‘shinlar madhiyasi» tanlovida 1-o‘rinni egallagan qo‘shiq 15 million so‘m pul mukofoti;
«Eng jangovar harbiy qo‘shiq» tanlovida 1-, 2-, 3-o‘rinni egallagan g‘oliblar 18, 15, 12 million so‘m pul mukofoti;
«Eng jangovar chaqiriq va shior» tanlovida 1-, 2-, 3-o‘rinni egallagan g‘oliblar 5, 3, 2 million so‘mdan pul mukofoti bilan taqdirlanadi.
Tanlovda ishtirok etish istagini bildirgan ijodkorlar shu yilning 25 oktyabridan Respublika Maʼnaviyat va maʼrifat markazining tuman (shahar) bo‘linmalariga murojaat qilishlari mumkin.
Respublika Maʼnaviyat va maʼrifat markazi
Tanlovlar nizomlari va Respublika Maʼnaviyat va maʼrifat markazining hududlardagi bo‘limlari xodimlari to‘g‘risidagi maʼlumot ilova qilinadi
