JAMOAT XAVFSIZLIGI UNIVERSITETIDA YANGI TASHKIL ETILGAN MAXSUS FAKULTET TALABALARI BILAN " TANISHTIRUV HAFTALIGI" O‘TKAZILDI
Joriy yilning 6-10 sentyabr' kunlari O‘zbekiston Respublikasi Jamoat xavfsizligi universitetiga qabul qilingan talabalar uchun ilk marotaba “Tanishtiruv haftaligi” o‘tkazildi. Haftalik doirasida mustaqillik darslari o‘tilib, bilimlar kuni keng nishonlandi.
Shuningdek, talabalar universitet binolari va ta'lim olish uchun yaratilgan shart-sharoitlar hamda o‘quv-uslubiy, tarbiyaviy- mafkuraviy, reyting tizimiga oid va boshqa me'yoriy hujjatlar bilan ham bilan yaqindan tanishtirildi.Talabalar uchun ma'naviy-ma'rifiy tadbirlar ham tashkil etilib, universitet orkestr jamoasi tomonidan musiqiy chiqishlar namoyish etildi.
10 sentyabr' kuni fakul'tet mas'ullari tomonidan poytaxtimizda joylashgan “G‘alaba bog‘i”, “Adiblar xiyoboni” majmualariga hamda Alisher Navoiy nomidagi O‘zbekiston Milliy kutubxonasiga talabalarning tashrifi uyushtirildi.
