KITOB VA KITOBXONLIK INSON MA'NAVIYATI KO‘ZGUSI
Yoshlar ma'naviyatini yuksaltirish hamda ularning kitobxonlik madaniyatini oshirish yo‘nalishi bo‘yicha bugun Milliy gvardiya Buxoro viloyati bo‘yicha boshqarmasi tomonidan harbiy xizmatchi va xodimlar o‘rtasida "Yosh kitobxon" tanlovi o‘tkazildi.
Ushbu, tanlov viloyat Milliy gvardiyasining bo‘linmalari o‘rtasida belgilangan test savollariga javob berish asosida olib borildi.
Shu bilan birga, musobaqaga tashrif buyurgan harbiy xizmatchi va xodimlar, ushbu muassasadagi kitoblar zaxirasi hamda badiiy adabiyotlar bilan ham yaqindan tanishdilar.
Musobaqa yakuniga ko‘ra, 1 o‘rinni, Milliy gvardiya Buxoro viloyati bo‘yicha boshqarmasi, 2 o‘rinni Qo‘riqlash boshqarmasi Shofirkon tumani qo‘riqlash bo‘limi, 3 o‘rinni Milliy gvardiya Buxoro viloyati bo‘yicha boshqarmasiga qarashli harbiy qism harbiy xizmatchi va xodimlari egallashdi.
Musobaqa yakunida, g‘oliblar diplom va esdalik sovg‘alari bilan taqdirlandilar.
