NAVBATDAGI BITIRUV TADBIRI
Kuni kecha Milliy gvardiya Ixtisoslashtirgan o‘quv markazida Milliy gvardiya Toshkent shahar va Toshkent viloyati boshqarmalari harbiy qismlari hamda Ichki ishlar vazirligi Xalqaro aeroportlarda xavfsizlikni taʼminlash bo‘yicha qo‘shinlari bo‘linmalarida serjantlik lavozimida shartnoma bo‘yicha harbiy xizmatni o‘tayotgan harbiy xizmatchi va xodimlarning “Mutaxassislarni tayyorlash kursi” yakuni munosabati bilan tadbir bo‘lib o‘tdi.
Tadbirda o‘quv markazi boshlig‘i polkovnik X.Dadabayev so‘zga chiqib, o‘quv kursini muvaffaqiyatli yakunlagan bitiruvchilarni muborakbod etdi va ularga kelgusi xizmat faoliyatlarida omad tiladi. Shundan so‘ng, o‘quv kursi davomida o‘z bilim va malakalarini yana-da oshirib, imtihonlarni ijobiy topshirgan bitiruvchilarga sertifikatlar taqdim etildi.
Tadbir so‘ngida bitiruvchilar yaratib berilgan shart-sharoitlar uchun Milliy gvardiya qo‘mondonligiga hamda bilim, ko‘nikma va mahoratlarini oshirishda ko‘makchi bo‘lgan o‘quv markaz rahbariyati va professor-o‘qituvchilariga o‘z minnatdorchiliklarini bildirdilar.
