OILA — JAMIYAT VA DAVLAT HIMOYASIDA
Bugungi shiddat bilan o‘zgarib borayotgan zamonda davlatning rivojlanishida oilalarning mustahkamligi muhim o‘rin tutadi. Zamonaviy, namunali va farovon oilani barpo etish davlat siyosatining eng ustuvor yo‘nalishlaridan biridir.
Oilalarda yuzaga keladigan ziddiyatlar hamda ajrimlarni oldini olish, kam taʼminlangan oilalarni qo‘llab-quvvatlash, yoshlarni psixologik ruhiyatini o‘rganish orqali turli jinoyatlarni oldini olish, tazyiqqa uchragan ayollarni himoya qilish maqsadida Sirdaryo viloyati bo‘yicha Milliy gvardiya boshqarmasi psixolog harbiy xizmatchilari hamda Oila va mahallani qo‘llab-quvvatlash xodimlari bilan hamkorlikda bugungi kunda bir qator chora tadbirlar o‘tkazilib kelinmoqda.
Xususan, “Bo‘ston”,“Madaniyat”, “Ahillik”, “Taraqqiyot” MFYlarda aholi hamda "Temir daftar", "Ayollar daftari", "Yoshlar daftari"ga kiritilgan fuqarolar bilan kunlik muloqot olib borilib, ularga huquqiy maslahatlar berilgan holda, mavjud muammolarini bartaraf etish choralari ko‘rilmoqda.
