VATANPARVARLIKKA IXTISOSLASHTIRILGAN SINF O‘QUVCHILARINING MILLIY GVARDIYA SURXONDARYO VILOYATI QO‘RIQLASH BOSHQARMASIGA TASHRIFI
Yoshlarni Vatanparvarlik ruhida tarbiyalash, yosh avlod qalbida Vatanga muhabbat, istiqlol g‘oyalariga sadoqat, milliy armiyamizga hurmat, fidoyilik kabi g‘oyalarni shakllantirish maqsadida Termiz shahridagi 17-sonli umumtaʼlim maktabining harbiy vatanparvarlikka ixtisoslashtirilgan o‘quvchilari uchun Milliy gvardiya Surxondaryo viloyati Qo‘riqlash boshqarmasida “Ochiq eshiklar kuni” tadbiri tashkil etildi. Unda harbiy xizmatchi va xodimlar tomonidan harbiy texnika va qurol-aslahalarning ko‘rgazmali namoyishi, elektron tirdan otish kabi mashg‘ulotlar, shuningdek, o‘quvchilar uchun boshqarma psixologlari tomonidan psixologik trening mashg‘ulotlari o‘tkazildi. Tadbir davomida o‘quvchilar boshqarmada yaratilgan shart-sharoitlar bilan yaqindan tanishib, sharafli va mashaqqatli kasb egalarining faoliyati va tajribalari to‘g‘risida tushunchalarga ega bo‘ldilar.
