“Chempion va yoshlar” uchrashuvi Milliy gvardiya xodimlari ishtirokida bo‘lib o‘tdi
Tadbirda O‘zbekiston Respublikasi Milliy gvardiya qo‘mondonligi, Jamoat xavfsizligi universiteti kursant qizlari, Milliy gvardiya musiqa va “Temurbeklar” akademik litseylari o‘quvchi qizlari, tizimdagi ayol harbiy xizmatchi va xodimlari ishtirok etishdi.
Uchrashuvga O‘zbekistonda xizmat ko‘rsatgan sportchi 52 kg gacha vazn toifasida ikki karra Osiyo chempioni, 2024-yil Fransiyaning Parij shahrida bo‘lib o‘tgan Yozgi Olimpiada o‘yinlarida dzyudo sport turining 52 kg vaznda oltin medal soxibasi, “O‘zbekiston iftixori” faxriy unvoni sohibasi, O‘zbekiston Respublikasi Prezidenti huzuridagi Ijtimoiy himoya milliy agentligining Gender tengligi va bolalarga nisbatan zo‘ravonlikka qarshi kurashish bo‘yicha maxsus vakil, O‘zbekiston Respublikasi Mudofaa vazirligi harbiy xizmatchisi kapitan Keldiyorova Diyora Baxtiyor qizi va
2024-yil Fransiyaning Parij shahrida bo‘lib o‘tgan Yozgi Olimpiada o‘yinlari ishtirokchisi, boks bo‘yicha O‘zbekiston chempioni, Osiyo chempioni, Jahon chempionatida 3 o‘rin, bronza medali soxibasi Milliy gvardiya harbiy xizmatchisi kichik serjant Xamidova Navbahor Nishon qizi taklif qilindi.
Mazkur tadbir chempion qizlar bilan ochiq muloqot va savol-javoblarga boy tarzda o‘tkazilib, unda asosiy urg‘u yoshlarni Vatanga sadoqat ruhida tarbiyalash, ularni qalbi va ongiga Vatan himoyasi sharafli va muqaddas burch ekanini chuqur singdirishga qaratildi.
Shundan so‘ng tadbir ishtirokchilariga “Parij -2024 Yozgi olimpiada o‘yinlarida ishtirok etgan sportchilarning tarixiy g‘alabalari aks etgan video-lavha namoyish etildi.
Tadbirdan so‘ng mehmonlar Milliy gvardiya muzeyidagi eksponatlar bilan tanishdilar.
