9 MAY - XOTIRA VA QADRLASH KUNI MUNOSABATI BILAN “UCH AVLOD UCHRASHUVI” O‘TKAZILDI
O‘zbekiston Respublikasi Milliy gvardiyasi Markaziy devoni muzeyida 9 may - Xotira va qadrlash kuni munosabati bilan poytaxtimizdagi 58, 161, 172, 326 - sonli maktab o‘quvchilari, tizim faxriylari va harbiy xizmatchilar ishtirokida “Uch avlod uchrashuvi” o‘tkazildi. Ekskursiya davomida faxriylar yoshlarga muzeydan joy olgan fotoeksponatlar orqali Ikkinchi jahon urushida qahramonlik va jasorat ko‘rsatgan, front ortida fidokorona mehnat qilgan, bugun oramizda sog‘-omon yurgan faxriylarimiz haqida so‘zlab berishdi.
Albatta, tadbir jarayonida yoshlarga muzeyning har bir burchagidagi shonli tariximiz va mustaqillik yillaridagi milliy armiyamiz hamda Milliy gvardiyaning erishgan yutuqlari bilan tanishishga imkoniyat yaratildi. Ishonchimiz komilki ular kelajakda boy tariximizga, qadriyatlarimizga sodiq farzandlar bo‘lib ulg‘ayishadi.
