Harbiy xizmatchilarning oila aʼzolari tibbiy ko‘rikdan o‘tkazildi
Joriy yilning 24-27 oktyabr kunlari Milliy gvardiya Ambulatoriyasida tizimda xizmat olib borayotgan harbiy xizmatchilarning oila aʼzolari chuqurlashtirilgan tibbiy ko‘rikdan o‘tkazildi.
Tibbiy ko‘rik «Sog‘lom avlod uchun» xalkaro xayriya fondining Tibbiy-ijtimoiy markazi, Hududlararo tibbiy-ijtimoiy yordam brigadasi mutaxassislari bilan hamkorlikda tashkil etildi.
Harbiy xizmatchilarning oila aʼzolari tashkil qilingan tibbiy ko‘rikda o‘zlarining sog‘ligi bo‘yicha shikoyatlarini terapevt, oftalmolog, ginekolog, travmatolog, nevrapatolog va boshqa shifokorlarga murojaat etib, qo‘shimcha lobaratoriya ko‘riklaridan ham o‘tishdi.
Shu bilan bir qatorda tibbiy ko‘rikdan o‘tkazilgan ayollar o‘rtasida tibbiy madaniyatni oshirish maqsadida mutaxassislar tomonidan targ‘ibot ishlari olib borildi.
Xususan, malakali shifokorlar “Xotin-qizlar reproduktiv salomatligi – sog‘lom kelajak asosi”, “Yod tanqisligi kasalliklari” hamda “To‘g‘ri ovqatlanish” mavzularida kerakli maslahatlar va tavsiyalar berib o‘tishdi.
