Ҳарбий хизматчиларнинг оила аъзолари тиббий кўрикдан ўтказилди
Жорий йилнинг 24-27 октябрь кунлари Миллий гвардия Амбулаториясида тизимда хизмат олиб бораётган ҳарбий хизматчиларнинг оила аъзолари чуқурлаштирилган тиббий кўрикдан ўтказилди.
Тиббий кўрик «Соғлом авлод учун» халкаро хайрия фондининг Тиббий-ижтимоий маркази, Ҳудудлараро тиббий-ижтимоий ёрдам бригадаси мутахассислари билан ҳамкорликда ташкил этилди.
Ҳарбий хизматчиларнинг оила аъзолари ташкил қилинган тиббий кўрикда ўзларининг соғлиги бўйича шикоятларини терапевт, офталмолог, гинеколог, травматолог, неврапатолог ва бошқа шифокорларга мурожаат этиб, қўшимча лобаратория кўрикларидан ҳам ўтишди.
Шу билан бир қаторда тиббий кўрикдан ўтказилган аёллар ўртасида тиббий маданиятни ошириш мақсадида мутахассислар томонидан тарғибот ишлари олиб борилди.
Хусусан, малакали шифокорлар “Хотин-қизлар репродуктив саломатлиги – соғлом келажак асоси”, “Йод танқислиги касалликлари” ҳамда “Тўғри овқатланиш” мавзуларида керакли маслаҳатлар ва тавсиялар бериб ўтишди.
