BO‘Sh VAQTINI SPORTGA BAG‘ISHLAGAN YOSHLAR
Jamiyatimizda sog‘lom turmush tarzini shakllantirish maqsadida aholining, ayniqsa, yoshlarning jismoniy tarbiya va ommaviy sport bilan muntazam shug‘ullanishi uchun shart-sharoitlar yaratib kelinmoqda. Shu jumladan, kuni kecha Toshkent viloyati Qibray tumanidagi “O‘smirlar sport maktabi”da Toshkent viloyati huquqni muhofaza qilish organlarining Qo‘l jangi federatsiyasi hamda Milliy gvardiya bo‘linmasi hamkorligida yoshlar o‘rtasida Toshkent viloyati birinchiligi uchun “Qo‘l jangi” musobaqasi tashkillashtirildi.
Sport musobaqasining ochilishida Milliy gvardiya harbiy xizmatchilari namoyish etgan ko‘rgazmali chiqishlar musobaqa ishtirokchilariga ko‘tarinki ruh bag‘ishladi.
Murosasiz kechgan musobaqa yakunda g‘olib va faol ishtirokchilar diplom hamda qimmatbaho sovg‘alar bilan taqdirlandilar.
