БЎШ ВАҚТИНИ СПОРТГА БАҒИШЛАГАН ЁШЛАР
Жамиятимизда соғлом турмуш тарзини шакллантириш мақсадида аҳолининг, айниқса, ёшларнинг жисмоний тарбия ва оммавий спорт билан мунтазам шуғулланиши учун шарт-шароитлар яратиб келинмоқда. Шу жумладан, куни кеча Тошкент вилояти Қибрай туманидаги “Ўсмирлар спорт мактаби”да Тошкент вилояти ҳуқуқни муҳофаза қилиш органларининг Қўл жанги федерацияси ҳамда Миллий гвардия бўлинмаси ҳамкорлигида ёшлар ўртасида Тошкент вилояти биринчилиги учун “Қўл жанги” мусобақаси ташкиллаштирилди.
Спорт мусобақасининг очилишида Миллий гвардия ҳарбий хизматчилари намойиш этган кўргазмали чиқишлар мусобақа иштирокчиларига кўтаринки руҳ бағишлади.
Муросасиз кечган мусобақа якунда ғолиб ва фаол иштирокчилар диплом ҳамда қимматбаҳо совғалар билан тақдирландилар.
