"Yoshlarni harbiy - vatanparvarlik ruhida tarbiyalashda sportning ahamiyati" mavzusida o‘quvchi yoshlar bilan maʼnaviy-maʼrifiy tadbir tashkillashtirildi
Joriy yilning 16 yanvar kuni Milliy gvardiya Ixtisoslashtirilgan o‘quv markazi Mirobod tumani IIO FMB Huquqbuzarliklar profilaktikasi bo‘limi, Yoshlar profilaktikasini muvofiqlashtirish guruhi bilan hamkorlikda "Yoshlarni harbiy - vatanparvarlik ruhida tarbiyalashda sportning ahamiyati" mavzusida Mirobod tumanida joylashgan 294-sonli ixtisoslashtirilgan davlat umumtaʼlim maktabida maʼnaviy-maʼrifiy tadbir o‘tkazildi. O‘zbekiston iftixori, Olimpiada chempioni Fazliddin G‘oyibnazarov bolalarni qiziqtirgan savollarga batafsil javob berib, ularga sport tinchlik va sog‘lom hayot elchisi ekanligi, yoshlarda Vatanparvarlik g‘oyalarini kuchaytirishda uning ahamiyati to‘g‘risida tushuntirish-targ‘ibot ishlari amalga oshirildi. Shuningdek, mamlakatimizda tinchlik va osoyishtaliklikni taʼminlash, jamoat tartibini saqlash, huquqbuzarliklarga qarshi kurashishda eʼtibor berishlari lozim bo‘lgan jihatlar, yoshlar bilan ishlash, ularning muammolarini o‘rganish va hal etish yuzasidan tushuntirish ishlari olib borildi. Yoshlarning turli sohalaga oid savollariga malakali javoblar berildi.Tadbir yakunida Botir Zokirov nomidagi Milliy estrada sanʼati instituti talabalari tomonidan Vatanni madh etuvchi kuy va qo‘shiqlar yangradi.
