FIRIBGARLAR QO‘LGA OLINDI
Buxoro viloyatida DXX, Milliy gvardiya va Bosh prokuratura huzuridagi Departament xodimlari hamkorligida kelib tushgan xabarga ko‘ra tezkor tadbir o‘tkazildi.
Tadbir davomida, fuqaro Sh.Sh. oldindan kelishilgan ikki nafar fuqaroni tanishlari orqali Toshkent irrigasiya va qishloq xo‘jaligini mexanizasiyalash muhandislari institutining Buxoro filialiga o‘qishga kiritib qo‘yish evaziga maxsus yollangan fuqarodan 4 000 AQSh dollarini olgan vaqtida qo‘lga olindi. Olingan ma'lumotlar asosida davom ettirilgan tezkor tadbir mobaynida, fuqaro Sh.Sh. ushbu 4000 AQSh dollarini sherigi bo‘lgan fuqaro U.J. ga olib borib berayotgan vaqtida ashyoviy dalillar bilan ushlanib, firibgarlik harakatlariga chek qo‘yildi.
Mazkur holat yuzasidan Buxoro viloyat prokuraturasi tomonidan fuqaro Sh.Sh. va U.J. larga nisbatan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.
