ФИРИБГАРЛАР ҚЎЛГА ОЛИНДИ
Бухоро вилоятида ДХХ, Миллий гвардия ва Бош прокуратура ҳузуридаги Департамент ходимлари ҳамкорлигида келиб тушган хабарга кўра тезкор тадбир ўтказилди.
Тадбир давомида, фуқаро Ш.Ш. олдиндан келишилган икки нафар фуқарони танишлари орқали Тошкент ирригация ва қишлоқ хўжалигини механизациялаш муҳандислари институтининг Бухоро филиалига ўқишга киритиб қўйиш эвазига махсус ёлланган фуқародан 4 000 АҚШ долларини олган вақтида қўлга олинди. Олинган маълумотлар асосида давом эттирилган тезкор тадбир мобайнида, фуқаро Ш.Ш. ушбу 4000 АҚШ долларини шериги бўлган фуқаро У.Ж. га олиб бориб бераётган вақтида ашёвий далиллар билан ушланиб, фирибгарлик ҳаракатларига чек қўйилди.
Мазкур ҳолат юзасидан Бухоро вилоят прокуратураси томонидан фуқаро Ш.Ш. ва У.Ж. ларга нисбатан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
