HECh KIM EʼTIBORDAN ChETDA QOLMAS
Mehr-muruvvat bu biz bir-birimizga ulashishimiz zarur bo‘lgan eng muqaddas tuyg‘u. Bu tuyg‘uni hamma baravar sezadi, xoh yosh bo‘lsin, xoh keksa, xoh sog‘lom bo‘lsin, u xoh xasta.
Yurtimizda ijtimoiy himoyaga muhtoj insonlarga alohida eʼtibor qaratilishi hech kimga sir emas. Bu borada ko‘plab davlat va nodavlat tashkilotlar tomonidan amalga oshirilayotgan saxovat ishlari misol bo‘la oladi.
Xususan, kuni kecha Sirdaryo viloyati Sirdaryo tumani “Muruvvat” nogironligi bo‘lgan shaxslar uchun ayollar internat uyida viloyat Milliy gvardiya boshqarmasi harbiy xizmatchilari hamda Milliy gvardiya Maʼnaviyat va maʼrifat markazi ashula va raqs ansambli xonandalari bilan birgalikda "Sen aziz va moʻtabarsan muqaddas ayol" shiori ostida bayram tadbiri tashkil etildi.
Tadbir davomida xonandalar tomonidan kuy-qo‘shiqlar kuylanib, “Muruvvat” uyi ayollariga bayramona kayfiyat ulashildi.
Shu bilan birga, bu kabi tadbir Baxt shahrida joylashgan Respublika o‘g‘il bolalar o‘quv-tarbiya muassasida ham tashkillashtirilib, tarbiyalanuvchilar uchun musiqiy bayramona dastur havola etildi. Sho‘x taronalar barchaga bahoriy kayfiyat, shodlik baxsh etdi.
