Ijtimoiy sohalar yo‘nalishida belgilab berilgan ustuvor vazifalarning amaliy ijrosi bo'yicha Andijon viloyatida manzilli ishlar davom ettirilmoqda
Davlatimiz rahbari tomonidan ijtimoiy sohalar yo‘nalishida belgilab berilgan ustuvor vazifalarning amaliy ijrosi, Milliy gvardiya qo‘mondoni nazorati ostidagi ishchi guruhlarning manzilli ishlari Andijon viloyatida olib borilmoqda. Shu o‘rinda Milliy gvardiya qo‘mondoni o‘rinbosari polkovnik S.Mamayusupov Andijon viloyatida bo‘lib,viloyat hokimligi, maktab va maktabgacha taʼlim boshqarmasi hamda direktorlari ishtirokida videoselektr tariqasida yig‘ilish o‘tkazdilar.
Mazkur yig‘ilishda o‘quvchilarni vatanparvarlik ruhida tarbiyalash, maktablarda o‘quvchi va pedagoglarni xavfsizligini taʼminlash va yangi qorovullik xizmati faoliyatini yana-da takomillashtirish, o‘quvchilarni sport turlariga jalb etish orqali ular o‘rtasida huquqbuzarlik va jinoyatchilikni oldini olish chora-tadbirlarini kuchaytirish borasida tavsiyalar berildi.
Shuningdek, Milliy gvardiya faoliyatini psixologik taʼminlash markazi tomonidan viloyat maktabgacha va maktab taʼlimi boshqarmasi tasarrufidagi umumtaʼlim maktab amaliyotchi psixologlarning o‘quvchi yoshlar bilan ishlash jarayonlarini samarali olib borish borasidagi o‘quv amaliy seminar o‘tkazilmoqda.
