KELAJAK AVLOD UCHUN HARBIY QISM ESHIKLARI OCHIQ
Yoshlar kelajagimiz poydevori, tuganmas boyligimizdir. Ularni kelgusida Vatanga sodiq xizmat qiluvchi, ona yurt istiqboli uchun kurashgan Jaloliddin Manguberdi, Amir Temur kabi ajdodlarga xos farzand etib tarbiyalash oliy maqsadimizdir. Vatanparvarlik g‘oyalarini o‘zida mujassam etgan vazifani amalga oshirish uchun Sirdaryo viloyati bo‘yicha Milliy gvardiya boshqarmasi harbiy qismlaridan birida ochiq eshiklar kuni tashkil etildi.
O‘quvchi yoshlarni o‘z dargohida qabul qilgan muassasada harbiylar hayoti yaqindan tanishtirildi. Bolajonlar ko‘zlarida hayajon hamda katta qiziqish bilan bugungi kunning eng zamonaviy harbiy texnika va qurol-aslahalarini tomosha qilib, to‘liq maʼlumotga ega bo‘ldilar. Harbiy xizmatchilar o‘quvchilarni qiziqtirgan barcha savollarga birma-bir, sodda va ularga tushunarli tarzda javob berdilar.
