Milliy gvardiya Jamoat xavfsizligi universitetida “Yangi Oʻzbekistonning ijtimoiy hayotida xotin-qizlar mavqeini oshirishga oid masalalar” mavzusida davra suhbati tashkillashtirildi
Bugungi kunda Davlatimiz rahbarining xotin-qizlarga bo‘lgan eʼtibori tufayli Yangi O‘zbekistonda xotin-qizlarimizning ijtimoiy-siyosiy faolligi oshib bormoqda. Xususan ularning turli soha va tarmoqlarda o‘z qobiliyat hamda imkoniyatlarini ro‘yobga chiqarishi uchun kerakli bo‘lgan shart-sharoitlar yaratilib, ijtimoiy hayotda xotin-qizlar mavqeini oshirishga qaratilgan keng qamrovli ishlar amalga oshirib kelinmoqda.
Milliy gvardiya Jamoat xavfsizligi universitetining professor-o‘qituvchilar hamda harbiy xizmatchilar ishtirokida bo‘lib o‘tgan davra suhbati ham “Yangi O‘zbekistonning ijtimoiy hayotida xotin-qizlar mavqeini oshirishga oid masalalar” mavzusida tashkillashtirildi.
Mazkur davra suhbatida Oliy Majlis Senatining Yoshlar, madaniyat va sport masalalari qo‘mitasi raisi o‘rinbosari Dilorom Toshmuhammedova ishtirok etdi. Unda Yangi O‘zbekiston taraqqiyot yo‘lida xotin-qizlarning o‘rni va mavqeini mustahkamlash borasida davlat ahamiyatiga molik salmoqli ishlar amalga oshirib kelinayotganligi, jamiyat rivojini xotin-qizlarsiz, ularning ishtirokisiz tasavvur etib bo‘lmasligi, ayollarning oilada ham, davlat va jamoat ishlarida ham emin-erkin faoliyat yuritishlari, ularning huquq va manfaatlarini ro‘yobga chiqarish yo‘lida mamlakatmiz miqyosida qator chora-tadbirlar ishlab chiqilib, hayotga tatbiq etilayotganligi alohida eʼtirof etdi.
