Миллий гвардия Жамоат хавфсизлиги университетида “Янги Ўзбекистоннинг ижтимоий ҳаётида хотин-қизлар мавқеини оширишга оид масалалар” мавзусида давра суҳбати ташкиллаштирилди
Бугунги кунда Давлатимиз раҳбарининг хотин-қизларга бўлган эътибори туфайли Янги Ўзбекистонда хотин-қизларимизнинг ижтимоий-сиёсий фаоллиги ошиб бормоқда. Хусусан уларнинг турли соҳа ва тармоқларда ўз қобилият ҳамда имкониятларини рўёбга чиқариши учун керакли бўлган шарт-шароитлар яратилиб, ижтимоий ҳаётда хотин-қизлар мавқеини оширишга қаратилган кенг қамровли ишлар амалга ошириб келинмоқда.
Миллий гвардия Жамоат хавфсизлиги университетининг профессор-ўқитувчилар ҳамда ҳарбий хизматчилар иштирокида бўлиб ўтган давра суҳбати ҳам “Янги Ўзбекистоннинг ижтимоий ҳаётида хотин-қизлар мавқеини оширишга оид масалалар” мавзусида ташкиллаштирилди.
Мазкур давра суҳбатида Олий Мажлис Сенатининг Ёшлар, маданият ва спорт масалалари қўмитаси раиси ўринбосари Дилором Тошмуҳаммедова иштирок этди. Унда Янги Ўзбекистон тараққиёт йўлида хотин-қизларнинг ўрни ва мавқеини мустаҳкамлаш борасида давлат аҳамиятига молик салмоқли ишлар амалга ошириб келинаётганлиги, жамият ривожини хотин-қизларсиз, уларнинг иштирокисиз тасаввур этиб бўлмаслиги, аёлларнинг оилада ҳам, давлат ва жамоат ишларида ҳам эмин-эркин фаолият юритишлари, уларнинг ҳуқуқ ва манфаатларини рўёбга чиқариш йўлида мамлакатмиз миқёсида қатор чора-тадбирлар ишлаб чиқилиб, ҳаётга татбиқ этилаётганлиги алоҳида эътироф этди.
