Milliy gvardiya Maʼnaviyat va maʼrifat markazida "Yoshlar bilan ochiq muloqot" mavzusida 300 dan ortiq yoshlar ishtirokidagi tadbir bo‘lib o‘tdi

Mazkur tadbir joriy yilning 18 fevral kuni Milliy gvardiya tomonidan Yoshlar ishlar agentligi hamda Ichki ishlar vazirligi hamkorligida tashkil etilib, unda qo‘mondon o‘rinbosari polkovnik S. Mamayusupov, Oliy Majlis Qonunchilik palatasining Yoshlar masalalari bo‘yicha komissiyasi raisi M. Valiyev, Maʼnaviyat va maʼrifat markazi targ‘ibotchisi, professor J. Shermuhammedova, Yoshlar ishlari agentligi markaziy apparati boshqarma boshlig‘i Sh. Olimov hamda 300 dan ortiq yoshlar ishtirok etdi.

Tadbir avvalida davlat madhiyasi sadolari yangrab, barcha ishtirokchilar tomonidan jonli ijroda kuylandi.

Shundan so‘ng, tizimda yoshlarga oid davlat dasturi ijrosi yuzasidan amalga oshirilayotgan ishlar tasvirlangan videorolik namoyish etiladi.

Muloqot davomida so‘z olganlar yoshlarga oid yangi qabul qilinayotgan qaror, farmon va ularning ijrosi, yoshlarga berilayotgan eʼtibor va ularda yot , begona g‘oyalarga qarshi mafkuraviy immunitetni shakllantirish maqsadida amalga oshirilayotgan loyihalarga to‘xtalib o‘tdilar.

Shuni alohida taʼkidlash joizki, mehmonlar tomonidan o‘tkazilgan treninglar va so‘zlab berilgan hayotiy misollar yoshlarda elparvarlik, har bir ishga bo‘lgan masʼuliyat kabi tuyg‘ularni, shuningdek, harbiy kasbga bo‘lgan qiziqishlarini yana-da ortishiga keng zamin yaratdi.

Bundan tashqari markaz hududida qurol aslahalar va tasviriy sanʼat asarlari ko‘rgazmasi tashkil qilinib, yoshlar sanʼat bilan bir qatorda, harbiy sohaga oid ko‘plab maʼlumotlar bilan yaqindan tanishdilar.

Shuningdek, faol ishtirok etgan yoshlar Kamondan otish sport turida o‘z qobiliyatlarini sinab ko‘rish imkoniyatiga ega bo‘ldi.

Tadbir yakunida tashrif buyurgan mehmonlarga minnatdorchilik sifatida esdalik sovg‘alari taqdim etildi.