Миллий гвардия Маънавият ва маърифат марказида "Ёшлар билан очиқ мулоқот" мавзусида 300 дан ортиқ ёшлар иштирокидаги тадбир бўлиб ўтди
Мазкур тадбир жорий йилнинг 18 февраль куни Миллий гвардия томонидан Ёшлар ишлар агентлиги ҳамда Ички ишлар вазирлиги ҳамкорлигида ташкил этилиб, унда қўмондон ўринбосари полковник С. Мамаюсупов, Олий Мажлис Қонунчилик палатасининг Ёшлар масалалари бўйича комиссияси раиси М. Валиев, Маънавият ва маърифат маркази тарғиботчиси, профессор Ж. Шермуҳаммедова, Ёшлар ишлари агентлиги марказий аппарати бошқарма бошлиғи Ш. Олимов ҳамда 300 дан ортиқ ёшлар иштирок этди.
Тадбир аввалида давлат мадҳияси садолари янграб, барча иштирокчилар томонидан жонли ижрода куйланди.
Шундан сўнг, тизимда ёшларга оид давлат дастури ижроси юзасидан амалга оширилаётган ишлар тасвирланган видеоролик намойиш этилади.
Мулоқот давомида сўз олганлар ёшларга оид янги қабул қилинаётган қарор, фармон ва уларнинг ижроси, ёшларга берилаётган эътибор ва уларда ёт , бегона ғояларга қарши мафкуравий иммунитетни шакллантириш мақсадида амалга оширилаётган лойиҳаларга тўхталиб ўтдилар.
Шуни алоҳида таъкидлаш жоизки, меҳмонлар томонидан ўтказилган тренинглар ва сўзлаб берилган ҳаётий мисоллар ёшларда элпарварлик, ҳар бир ишга бўлган масъулият каби туйғуларни, шунингдек, ҳарбий касбга бўлган қизиқишларини янада ортишига кенг замин яратди.
Бундан ташқари марказ ҳудудида қурол аслаҳалар ва тасвирий санъат асарлари кўргазмаси ташкил қилиниб, ёшлар санъат билан бир қаторда, ҳарбий соҳага оид кўплаб маълумотлар билан яқиндан танишдилар.
Шунингдек, фаол иштирок этган ёшлар Камондан отиш спорт турида ўз қобилиятларини синаб кўриш имкониятига эга бўлди.
Тадбир якунида ташриф буюрган меҳмонларга миннатдорчилик сифатида эсдалик совғалари тақдим этилди.
