MILLIY GVARDIYA IXTISOSLASHTIRILGAN O‘QUV MARKAZIDA NAVBATDAGI BITIRUV TANTANASI
Bugungi kunda Qurolli Kuchlarda harbiy xizmatchilarning kasbiy mahoratlarini oshirish, ularning dunyoqarashlarini kengaytirish hamda o‘z kasbining professionallari bo‘lib yetishishlari uchun bir qator samarali ishlar amalga oshirib kelinmoqda.
Shu jumladan, Milliy gvardiya Ixtisoslashtirgan o‘quv markazida ham bir qator o‘quv kurslari tashkil etilgan. Mazkur “Mutaxassislarni tayyorlash kursi”da Milliy gvardiya Toshkent shahar va Toshkent viloyati boshqarmasi harbiy qismlari hamda Ichki Ishlar Vazirligi Xalqaro aeroportlarda xavfsizlikni taʼminlash bo‘yicha qo‘shinlari serjantlik lavozimida shartnoma bo‘yicha harbiy xizmatni o‘tayotgan 100 nafar oddiy askar va serjantlar tarkibi o‘z bilim va mahoratlarini oshirdi.
Bitiruv tadbirida tinglovchilarga O‘quv markazi boshlig‘ining buyrug‘i o‘qib eshittirilib, sertifikatlar tantanali ravishda topshirildi.
Tadbirda o‘quv markazi boshlig‘i polkovnik X.Dadaboyev so‘zga chiqib, o‘quv kursi davomida bitiruvchilarning bilim va malakalarini yana-da oshirishda O‘quv markazi jamoasi harakat qilganligini aytib o‘tib, ularni yaxshi va aʼlo baholarga o‘qib, imtihonlarni muvaffaqiyatli topshirib, sertifikatlar olgani bilan tabrikladi va xalq manfaati yo‘lidagi xizmat faoliyatlariga omad tiladi.
