Ўзбекистон Республикаси Миллий гвардияси Қорақалпоғистон Республикаси минтақавий ўқув маркази мажлислар залида “Ўзбекистон Республикаси Миллий гвардия бўлинмаларида илмий ва инновацион фаолиятни такомиллаштириш” мавзусида Республика илмий-амалий анжумани бўлиб ўтди.
Конференцияда Қорақалпоғистон Республикаси бўйича Миллий гвардия бошқармаси, Қорақалпоғистон Республикаси Қўриқлаш бошқармаси, Ўзбекистон Республикаси Миллий гвардияси Фарғона вилояти минтақавий ўқув маркази, Ўзбекистон Республикаси Миллий гвардияси Жиззах вилояти минтақавий ўқув марказларидан ҳарбий хизматчи ва ходимлар, Қорақалпоқ давлат университети, Нукус давлат педагогика институтидан профессор-ўқитувчилари, докторант ва мустақил изланувчилар иштирок этишди.
Тадбир давомида мазкур конференция иштирокчилари Миллий гвардия бўлинмаларида илмий-инновацион таълимдан фойдаланишга оид маърузалар билан яқиндан танишишди.
Баҳс ва мунозараларга бой ўтган конференция якунида фаол иштирокчиларга минтақавий ўқув маркази томонидан фахрий ёрлиқлар топширилди.
