Namanganda Milliy gvardiya xodimlari tomonidan oʻgʻirlikda gumonlanuvchi shaxs qoʻlga olindi
Namangan shahrida joylashgan “Chorsu” bozorida jamoat tartibi va fuqarolar xavfsizligini taʼminlash uchun xizmatga jalb qilingan Milliy gvardiya xodimlariga 29 iyul kuni soat 16.40 larda fuqaro A.J. murojaat qildi.
Ayolning maʼlum qilishicha, nomaʼlum shaxs uning sumkasini hojatxona yonidagi stol ustiga qarovsiz tashlab qoʻyganligidan foydalanib, unda boʻlgan pul va boshqa qimmatbaho buyumlarni oʻgʻirlab ketganligini aytgan.
Xodimlar tomonidan videokuzatuv kameralari orqali huquqbuzar tezda aniqlanib, bozor hududidan chiqib ketishiga yoʻl qoʻymasdan oʻz vaqtida qoʻlga olindi.
Olib borilgan dastlabki surishtiruv davomida ushbu huquqbuzar Minbuloq tumanida yashovchi 39 yoshli fuqaro M.M. ekanligi aniqlandi. Holat yuzasidan ichki ishlar xodimlari tomonidan surishtiruv ishlari davom ettirilmoqda.Namanganda Milliy gvardiya xodimlari tomonidan oʻgʻirlikda gumonlanuvchi shaxs qoʻlga olindi
