Наманганда Миллий гвардия ходимлари томонидан ўғирликда гумонланувчи шахс қўлга олинди
Наманган шаҳрида жойлашган “Чорсу” бозорида жамоат тартиби ва фуқаролар хавфсизлигини таъминлаш учун хизматга жалб қилинган Миллий гвардия ходимларига 29 июль куни соат 16.40 ларда фуқаро А.Ж. мурожаат қилди.
Аёлнинг маълум қилишича, номаълум шахс унинг сумкасини ҳожатхона ёнидаги стол устига қаровсиз ташлаб қўйганлигидан фойдаланиб, унда бўлган пул ва бошқа қимматбаҳо буюмларни ўғирлаб кетганлигини айтган.
Ходимлар томонидан видеокузатув камералари орқали ҳуқуқбузар тезда аниқланиб, бозор ҳудудидан чиқиб кетишига йўл қўймасдан ўз вақтида қўлга олинди.
Олиб борилган дастлабки суриштирув давомида ушбу ҳуқуқбузар Минбулоқ туманида яшовчи 39 ёшли фуқаро M.M. эканлиги аниқланди. Ҳолат юзасидан ички ишлар ходимлари томонидан суриштирув ишлари давом эттирилмоқда.Наманганда Миллий гвардия ходимлари томонидан ўғирликда гумонланувчи шахс қўлга олинди
