OT-MARD YIGITNING DO‘STI, QANOTI.
Yoshlarni ot sportiga qiziqtirish, aholi o‘rtasida sog‘lom turmush tarzini targ‘ib qilish hamda Yurtimizda Qorabayir zotli otlarni ko‘paytirish maqsadida bugun Milliy gvardiya Samarqand viloyati Qo‘riqlash boshqarmasi tomonidan Jomboy tumanida ot sportining “Uloq ko‘pkari va Estafeta” turi bo‘yicha Milliy gvardiya Samarqand viloyati Qo‘riqlash boshqarmasi boshlig‘i kubogi musobaqasi tashkil etildi.
Musobaqada milliy gvardiya harbiy xizmatchilari, qo‘riqlash boshqarmasi xodimlari, tumandagi ot sportiga qiziquvchi chavandozlar va uyushmagan yoshlar hamda mehribonlik uyi tarbiyalanuvchilari ishtirok etishdi.
Ishtirokchi jamoalar mazkur bellashuvda ot ustida kurash, ot ustida yugurish, jamoaviy uloq-ko‘pkari, shartlari bo‘yicha o‘z mahoratlarini namoyish etish orqali milliy an'analarimizga hamisha sodiqligini yana bir bor ko‘rsatib berishdi.
Musobaqa yakunida g‘olib chavandozlar tashkilotchilar tomonidan esdalik sovg‘alari bilan taqdirlandilar.
