Joriy yilning 28 fevral kuni O‘zbekiston Davlat jismoniy tarbiya va sport universiteti hamda Milliy gvardiya Toshkent viloyati Qo‘riqlash boshqarmasi hamkorligida yoshlarni vatanparvarlik ruhida tarbiyalash samaradorligini oshirish maqsadida “Vatanparvarlikni chinakam e’tiqodga aylantiraylik” shiori ostida “Uch avlod uchrashuvi” tadbiri bo’lib o’tdi.
Mazkur tadbirni O‘zbekiston Davlat jismoniy tarbiya va sport universiteti rektori R. Matkarimov raisligida kirish soʻzi bilan ochib berdi.
Tadbirda Milliy gvardiya Faxriylar markaziy kengashi faxriylari, O‘zbekiston yozuvchilar uyushmasi a’zolari, Chirchiq shahridagi 13, 14 va 15-sonli umumtaʼlim maktablari o’quvchilari, hududdagi mahalliy yoshlar va yoshlar yetakchilari, universitet professor-o’qituvchi talabalari, Adaptiv jismoniy tarbiya va parasport faʼkulteti talabalari ishtirok etishdi.
Unda faxriy ustozlar yoshlarni milliy g‘oya va Vatanga sadoqat ruhida tarbiyalash, ularning qalbi va ongiga Vatan himoyasi sharafli va muqaddas burch ekanini chuqur singdirish, qadimiy tariximiz va madaniyatimiz, jonajon Vatanimizning mustaqilligi va ravnaqi yo‘lida fidokorona kurashgan milliy qahramonlarimiz bilan faxrlanish, ularga munosib bo‘lish tuyg‘usini shakllantirish, milliy armiyamizning qudrati va salohiyatiga bo‘lgan ishonchni kuchaytirish, yoshlarda yon-atrofimiz va jahonda ro‘y berayotgan siyosiy-ijtimoiy jarayonlarga milliy manfaatlarimizdan kelib chiqqan holda yondashish ko‘nikmalarini, turli ichki va tashqi tahdidlarga qarshi mafkuraviy immunitetni shakllantirish hamda Har qanday og‘ir va murakkab vaziyatda Vatanimizni ko‘z qorachig‘idek asrash, uning shuhratini dunyoga tarannum etish bilan bog‘liq eng muhim tushunchalarni, hayotiy va professional ko‘nikmalarni ilm-ma’rifat, shuningdek, milliy qadriyatlar asosida yoshlarning qalbi va ongiga ilk bolalik davridan boshlab singdirib borish orqali vatanparvar, sadoqatli, shijoatli yoshlarni kamol toptirish, yoshlarda ajdodlarimiz va ota-bobolarimizning Vatanni himoya qilishga oid an’ana va qadriyatlariga sadoqatli bo‘lishi hada Vatan ozodligi va mustaqilligi yo‘lida jon fido qilgan yurtdoshlarimiz ko‘rsatgan vatanparvarlik va qahramonlik, ulardagi sadoqat, fidoyilik, matonat hamda jasorat kabi xislatlarni, shuningdek, yurt, oila, ota-ona va farzandlar himoyasi xalq va ajdodlar xotirasi oldida muqaddas burch ekanini, buyuk tariximiz, ulug‘ ajdodlarimizning boy ma’naviy merosi, Jaloliddin Manguberdi, Amir Temur, Zahiriddin Muhammad Bobur kabi sarkardalarning jahon sivilizatsiyasi hamda harbiy san’at rivojiga qo‘shgan hissalarini hamda o’zlarining hayot yo’llaridagi boy tajribalari va uzoq yillar mobaynida erishgan bilim va koʻnikmalari haqida o’rtoqlashdilar.
Shuningdek, tadbir davomida Milliy gvardiya Qo‘riqlash Bosh boshqarmasining xushovoz xonandalari ijrosida diltortar kuy-qo‘shiqlar va jozibador raqslar namoyish etildi.
Tadbir yakunida esa faxriy ustozlar va tashkilotchilarga esdalik sovg’alari topshirildi.
Shu bilan bir qatorda Milliy gvardiya Toshkent viloyati Qo‘riqlash boshqarmasi mutaxassislari tomonidan yoshlar uchun sportning kamondan otish turi boʻyicha mahorat darsi tashkil etild.