Ўзбекистон Давлат жисмоний тарбия ва спорт университети Маданият саройида “Ватанпарварликни чинакам эътиқодга айлантирайлик” шиори остида “Уч авлод учрашуви” тадбири бўлиб ўтди
Жорий йилнинг 28 февраль куни Ўзбекистон Давлат жисмоний тарбия ва спорт университети ҳамда Миллий гвардия Тошкент вилояти Қўриқлаш бошқармаси ҳамкорлигида ёшларни ватанпарварлик руҳида тарбиялаш самарадорлигини ошириш мақсадида “Ватанпарварликни чинакам эътиқодга айлантирайлик” шиори остида “Уч авлод учрашуви” тадбири бўлиб ўтди.
Мазкур тадбирни Ўзбекистон Давлат жисмоний тарбия ва спорт университети ректори Р. Маткаримов раислигида кириш сўзи билан очиб берди.
Тадбирда Миллий гвардия Фахрийлар марказий кенгаши фахрийлари, Ўзбекистон ёзувчилар уюшмаси аъзолари, Чирчиқ шаҳридаги 13, 14 ва 15-сонли умумтаълим мактаблари ўқувчилари, ҳудуддаги маҳаллий ёшлар ва ёшлар етакчилари, университет профессор-ўқитувчи талабалари, Адаптив жисмоний тарбия ва параспорт фаъкултети талабалари иштирок этишди.
Унда фахрий устозлар ёшларни миллий ғоя ва Ватанга садоқат руҳида тарбиялаш, уларнинг қалби ва онгига Ватан ҳимояси шарафли ва муқаддас бурч эканини чуқур сингдириш, қадимий тарихимиз ва маданиятимиз, жонажон Ватанимизнинг мустақиллиги ва равнақи йўлида фидокорона курашган миллий қаҳрамонларимиз билан фахрланиш, уларга муносиб бўлиш туйғусини шакллантириш, миллий армиямизнинг қудрати ва салоҳиятига бўлган ишончни кучайтириш, ёшларда ён-атрофимиз ва жаҳонда рўй бераётган сиёсий-ижтимоий жараёнларга миллий манфаатларимиздан келиб чиққан ҳолда ёндашиш кўникмаларини, турли ички ва ташқи таҳдидларга қарши мафкуравий иммунитетни шакллантириш ҳамда Ҳар қандай оғир ва мураккаб вазиятда Ватанимизни кўз қорачиғидек асраш, унинг шуҳратини дунёга тараннум этиш билан боғлиқ энг муҳим тушунчаларни, ҳаётий ва профессионал кўникмаларни илм-маърифат, шунингдек, миллий қадриятлар асосида ёшларнинг қалби ва онгига илк болалик давридан бошлаб сингдириб бориш орқали ватанпарвар, садоқатли, шижоатли ёшларни камол топтириш, ёшларда аждодларимиз ва ота-боболаримизнинг Ватанни ҳимоя қилишга оид анъана ва қадриятларига садоқатли бўлиши ҳада Ватан озодлиги ва мустақиллиги йўлида жон фидо қилган юртдошларимиз кўрсатган ватанпарварлик ва қаҳрамонлик, улардаги садоқат, фидойилик, матонат ҳамда жасорат каби хислатларни, шунингдек, юрт, оила, ота-она ва фарзандлар ҳимояси халқ ва аждодлар хотираси олдида муқаддас бурч эканини, буюк тарихимиз, улуғ аждодларимизнинг бой маънавий мероси, Жалолиддин Мангуберди, Амир Темур, Заҳириддин Муҳаммад Бобур каби саркардаларнинг жаҳон цивилизацияси ҳамда ҳарбий санъат ривожига қўшган ҳиссаларини ҳамда ўзларининг ҳаёт йўлларидаги бой тажрибалари ва узоқ йиллар мобайнида эришган билим ва кўникмалари ҳақида ўртоқлашдилар.
Шунингдек, тадбир давомида Миллий гвардия Қўриқлаш Бош бошқармасининг хушовоз хонандалари ижросида дилтортар куй-қўшиқлар ва жозибадор рақслар намойиш этилди.
Тадбир якунида эса фахрий устозлар ва ташкилотчиларга эсдалик совғалари топширилди.
Шу билан бир қаторда Миллий гвардия Тошкент вилояти Қўриқлаш бошқармаси мутахассислари томонидан ёшлар учун спортнинг камондан отиш тури бўйича маҳорат дарси ташкил этилд.
