PROFESSIONAL BOKS KECHASI
Avval xabar qilganimizdek 3 aprel kuni Toshkentdagi “Humo” arenasida tashkil etiladigan professional boks kechasida O‘zbekistonning eng kuchli charm qo‘lqop ustalari kuchli raqiblarga qarshi jang qiladi.
Bo‘lib o‘tadigan mazkur boks oqshomida ishtirok etadigan 8 nafar o‘zbekistonlik bokschilarning raqiblari maʼlum bo‘ldi.
Oldinroq Milliy gvardiya harbiy xizmatchisi Murodjon Ahmadaliyevning raqibi haqida batafsil to‘xtalib, shuningdek, Shahram G‘iyosov va Isroil Madrimovlarning raqiblari haqida ham maʼlum qilingan edi.
Bugun esa qolgan bokschilarimiz qatorida yana ikki nafar Milliy gvardiya harbiy xizmatchilari +90,7 kg. vaznda Bahodir Jalolov (7-0, 7 KO) – Kristaps Zyutis (7-1-2, 7 KO; Latviya) bilan va -48,99kg. vaznda Hasanboy Do‘smatov (2-0, 2 KO) — Muhsin Kizota (11-2, 5 KO; Tanzaniya). 10 raundlik WBA INTERNATSIONAL chempionlik kamari uchun ringa ko‘tarilishlari maʼlum bo‘ldi.
Shuningdek, -57,15 kg. vaznda Mirazizbek Mirzahalilov (debyut) – Tasha Mjuaji (17-7-2, 5 KO; Tanzaniya) bilan, -69,85 kg. Iqboljon Xoldorov (debyut) – Kluva Bushiri (13-5-1, 5 KO; Tanzaniya) bilan, -90,7 kg. Sanjar Tursunov (2-0, 1 KO) – Ivan Yuxta (3-1-1, 2 KO; Ukraina) bilan kuch sinashishadi.
Bokschilarimizga janglarda omad tilaymiz!
