ПРОФЕССИОНАЛ БОКС КЕЧАСИ
Аввал хабар қилганимиздек 3 апрель куни Тошкентдаги “Ҳумо” аренасида ташкил этиладиган профессионал бокс кечасида Ўзбекистоннинг энг кучли чарм қўлқоп усталари кучли рақибларга қарши жанг қилади.
Бўлиб ўтадиган мазкур бокс оқшомида иштирок этадиган 8 нафар ўзбекистонлик боксчиларнинг рақиблари маълум бўлди.
Олдинроқ Миллий гвардия ҳарбий хизматчиси Муроджон Аҳмадалиевнинг рақиби ҳақида батафсил тўхталиб, шунингдек, Шаҳрам Ғиёсов ва Исроил Мадримовларнинг рақиблари ҳақида ҳам маълум қилинган эди.
Бугун эса қолган боксчиларимиз қаторида яна икки нафар Миллий гвардия ҳарбий хизматчилари +90,7 кг. вазнда Баҳодир Жалолов (7-0, 7 КО) – Кристапс Зютис (7-1-2, 7 КО; Латвия) билан ва -48,99кг. вазнда Ҳасанбой Дўсматов (2-0, 2 КО) — Муҳсин Кизота (11-2, 5 КО; Танзания). 10 раундлик WBA INTERNATSIONAL чемпионлик камари учун ринга кўтарилишлари маълум бўлди.
Шунингдек, -57,15 кг. вазнда Миразизбек Мирзаҳалилов (дебют) – Таша Мжуажи (17-7-2, 5 КО; Танзания) билан, -69,85 кг. Иқболжон Холдоров (дебют) – Клува Бушири (13-5-1, 5 КО; Танзания) билан, -90,7 кг. Санжар Турсунов (2-0, 1 КО) – Иван Юхта (3-1-1, 2 КО; Украина) билан куч синашишади.
Боксчиларимизга жангларда омад тилаймиз!